سوگوار کْنبے کے ساتھ تعزیت کا اظہار کیا، مرحوم کے حق میں دعائے مغفرت کی
لازوال ڈیسک
سرینگر؍؍ اپنی پارٹی کے سربراہ سید محمد الطاف بخاری نے معروف کاروباری شخصیت راجہ فرحت خان کے انتقال پر گہرے دکھ اور افسوس کا اظہار کیا۔ وہ منگل کی رات اپنے گھر واقعہ باغات برزلہ سرینگر میں حرکت قلب بند ہوجانے سے انتقال کرگئے۔اپنے تعزیتی پیغام میں سید محمد الطاف بخاری نے راجہ فرحت خان کے انتقال پر اپنے گہرے دکھ کا اظہار کیا۔ انہوں نے کہا، ’’راجہ فرحت خان کی ناگہانی موت کی خبر سن کر مجھے بہت دکھ ہوا ہے۔ میں مرحوم کے بھائی راجہ نعیم خان اور سوگوار خاندان کے دیگر افراد سے دلی تعزیت کا اظہار کرتا ہوں۔ اللہ تعالیٰ مرحوم کو جوارِ رحمت میں جگہ عطا فرمائے۔‘‘انہوں نے مزید کہا، ’’دْکھ اور تکلیف کی اس گھڑی میں، میں سوگوار خاندان کے ساتھ یکجہتی میں کھڑا ہوں اور دْعا گو ہوں کہ اللہ تعالیٰ اْنہیں یہ صدمہ برداشت کرنے کی ہمت عطا کرے۔‘‘
