رحمت عالم کلچرل فورم نے کیا تھا مشاعرے کا اہتمام
شافیہ گلفام
بانڈی پورہ؍؍رحمت عالم کلچرل فورم اجس بانڈی پورہ کے اہتمام سے سید جمال الدین بخاری رح کی یاد میں ایک نعتیہ مشاعرہ منعقد ہواجس میں دودرجن کے قریب نامور شعراء نے شرکت کی۔ محفل دونشتوں پر مشتمل تھی۔ پہلی نشست میں بیکس غلام حسن نے سید جمال الدین رح کی سوانح حیات پر ایک مختصر مکالمہ پیش کیا جس پر اندر کلچرل فورم سمبل کے سربراہ سلیم یوسف نے اپنا تبصرہ پیش کیا۔ اس کے فوراً بعد دوسری نشت جو نعتیہ مشاعرے پر مشتمل تھی کا آغاز ہوا۔ اس محفل کی صدارت غلام محمد المعروف مامہ ص?ب نے کی ان کے ساتھ ایوان صدارت میں سلیم یوسف بحثیت مہمان خصوصی موجود رہے۔اس نعتیہ مشاعرے میں شریکِ تمام شعراء نے اپنے کلام سے شرکاء محفل کو محفوظ کیا اور ان سے خوب داد حاصل کی۔جن شعراء نے اس نعتیہ مشاعرے میں شرکت کی ان میں سلیم یوسف، غلام رسول اجسی،غلام محمد شیخ، بیکس غلام حسن، بشیر احمد، عاشق محمد یوسف، منظور احمد ڑار، حق نواز، غلام محمد،شبلی محمد،نوردین،مسکین محمد اکبر ڑار، محمد مقبول ڑار اور مولوی ریاض ہاکباری قابل ذکر ہیں۔
