اربیہ فاطمہ
بدھل؍؍ضلع راجوری کے بلاک بدھل کی پنچایت حلقہ پھلنی کا رہایشی محمد فاروق وانی والد عبدالرشید وانی ساکنہ پھلنی عمر 36 برس جوسکم میں محکمہ گریف میں گزشتہ 19 سالوں سے بطور ڈرائیور کام کر رہا تھا وہیں فاروق احمد وانی جمعہ کی شام سکم میں پیش آئے ایک سڑک حادثہ میں لقمہ اجل بن گیا۔ذرائع نے بتایا کہ سکم میں کام کرنے کے دوران ڈمپر سڑک حادثہ کا شکار ہوگیا اور ایک گہری کھائی میں جا گرا جسکے نتیجے میں محمد فاروق وانی ولد عبدالرشید وانی ساکنہ پھلنی لقمہ اجل بن گیا ۔وہیں محمد فاروق کی موت کی خبر سنتے ہی اسکے آبائی گائوں پھلنی میں صفت ماتم بچھ گئی اور عزیز اقارب آہ وبکا کر رہے تھے وہیں تمام قانونی لوازمات مکمل کرنے کے بعد نعش کو جموں وکشمیر کے ضلع راجوری کے بدھل میں تدفین کے لیے لایا جائے گا۔
