کہاہندوستانی فلم انڈسٹری نے آزادی کے بعد سے معاشرے کو بہت متاثر کیا ہے اور دنیا بھر میں ہماری ثقافت اور روایت کو مقبول بنایا ہے
لازوال ڈیسک
سرینگر ؍؍لفٹینٹ گورنر مسٹر منوج سنہا نے آج ٹیگور ہال میں سرینگر کے دوسرے بین الاقوامی فلم فیسٹیول میں مختلف زمروں میں ایوارڈز پیش کئے ۔ ٹی آئی ایف ایف ایس کا دوسرا ایڈیشن ہندوستانی سنیما کے آئیکون دیو آنند صاحب کو وقف کیا گیا تھا ۔ اپنے خطاب میں لفٹینٹ گورنر نے ایوارڈ جیتنے والوں کو مبارکباد دی اور جموں و کشمیر میں تھیٹر ، ثقافت ، زبان اور سنیما کو فروغ دینے کیلئے ’ وومیدھ آرگنائیزیشن ‘ کی کوششوں کی ستائش کی ۔ لفٹینٹ گورنر نے کہا ’’ سنیما لوگوں کو جوڑتا ہے اور انہیں قریب لاتا ہے ۔ بالی ووڈ نے ’ ایک بھارت سریشٹھ بھارت ‘ کے جذبے کے ساتھ ہمارے ملک کے تنوع کو مضبوط کرنے کیلئے خصوصی تعاون کیا ہے ۔ یہ سماجی ۔ ثقافتی اخلاقیات کو پروان چڑھانے اور انسانی اقدار کو آگے بڑھانے کا ایک طاقتور ذریعہ ہے ‘‘۔ انہوں نے کہا کہ ہندوستانی فلم انڈسٹری نے آزادی کے بعد سے معاشرے کو بہت متاثر کیا ہے اور ہماری ثقافت اور روایت کو دنیا بھر میں مقبول کیا ہے ۔ انہوں نے کہا کہ یہ سماجی تبدیلی کے ایجنٹ کے طور پر بھی کام کر رہا ہے اور اس شعبے سے وابستہ ایک بڑے طبقے کو روزی روٹی کے مواقع فراہم کر رہا ہے ۔ ایوارڈ کی تقریب میں لفٹینٹ گورنر نے جموں کشمیر کے سنیما کی دنیا کے ساتھ اشتراک کردہ بانڈ پر تبادلہ خیال کیا اور یو ٹی میں ایک متحرک فلمی ماحولیاتی نظام کی تشکیل کیلئے انتظامیہ کی کوششوں پر روشنی ڈالی ۔ انہوں نے کہا کہ ہم نے جموں و کشمیر کے فلمی کلچر کے سنہری دنوں کو بحال کرنے کیلئے نئی فلم پالیسی ، نئی دہائیوں کے بعد مختلف اضلاع میں سنیما ہالوں کو فعال کرنے سمیت کئی اقدامات کئے ہیں ۔ انہوں نے جموں و کشمیر کے یو ٹی میں فلم فیسٹیول اور اس طرح کی دیگر سرگرمیوں کو مقبول بنانے کی کوششوں میں وومیدھ جیسی تنظیموں کو انتظامیہ کی طرف سے تمام ضروری تعاون اور مدد کا یقین دلایا ۔ فلم انڈسٹری میں دیو آنند کی اہم شراکت کو یاد کرتے ہوئے لفٹینٹ گورنر نے کہا کہ مشہور اداکار اور فلم ساز کے بے عیب انداز اور فن نے بالی ووڈ کو ایک نیا معنی اور عزت بخشی ۔ سرینگر کے بین الاقوامی فلم فیسٹیول کے دوسرے ایڈیشن میں 17 ممالک کی 30 فیچر فلمیں ، مختصر فلمیں ، دستاویزی فلمیں سنیما سے محبت کرنے والوں کیلئے شامل کی گئیں ۔ اس موقع پر معروف فلم ساز مسٹر بی سبھاش کو باوقار کے ایل سہگل ایوارڈ سے نوازا گیا ۔ اس موقع پر ڈویژنل کمشنر کشمیر ، سیکرٹری جے کے اے اے سی ایل ، ٹی آئی ایف ایف ایس کے فیسٹیول ڈائریکٹر ، ممتاز فنکار اور فلمی شخصیات موجود تھیں ۔
