152 لاپتہ افراد جن میں 101 خواتین بھی شامل ہیں مختصر عرصے میں سراغ لگا لیا گیا: ایس ایس پی سانبہ بینم توش
لازوال ڈیسک
سانبہ؍؍سانبہ پولیس نے اننت ناگ، بٹالہ (پنجاب) بیاس (پنجاب) اور دیگر علاقوں سے سات خواتین سمیت بارہ مزید لاپتہ افراد کا سراغ لگایا ہے اور انہیں ان کے خاندانوں سے ملایا ہے۔واضح رہے لاپتہ افراد کے لواحقین نے ان کا سراغ لگانے اور دوبارہ ملانے کے لیے پولیس سے رجوع کیا تھا۔ اسی مناسبت سے پولیس نے گمشدگیوں کے واقعات کا نوٹس لیا۔ اس ضمن میںمتعلقہ تھانوں اور پولیس چوکیوں میں گمشدگی کی رپورٹیں درج کی گئیں اور پولیس کی جانب سے ان کا سراغ لگانے کے لیے سرتوڑ کوششیں کی گئیں۔وہیں سخت محنت سے پولیس نے اننت ناگ، بٹالہ (پنجاب)، بیاس (پنجاب) اور دیگر علاقوں سے لاپتہ افراد کو بازیاب کرنے اور انہیں ان کے خاندانوں سے ملانے میں کامیابی حاصل کی۔اس سلسلے میں سینئر سپرنٹنڈنٹ آف پولیس سانبہ بینم توش نے کہا کہ پولیس کم سے کم وقت میں لاپتہ افراد کا سراغ لگانے کے لیے خلوص اور اعلیٰ پیشہ ورانہ مہارت کا مظاہرہ کر رہی ہے اور یہ پولیس کی خصوصی کاوشوں کے باعث مجموعی طور پر ایک سو باون لاپتہ افراد شامل ہیں۔
