گھگوال، سوپوال اور گوران سے 12 مویشی بازیاب کئے گئے
لازوال ڈیسک
سانبہ؍؍ سانبہ پولیس نے دومویشی اسمگلروں کو گرفتار کرتے ہوئے بارہ مویشیوں کو بچایا ہے ۔وہیںپولیس اسٹیشن گھگوال اور پولیس اسٹیشن سانبہ کے دائرہ اختیار میں مویشی کی اسمگلنگ کی تین الگ الگ کوششوں میں تین گاڑیاں ضبط کی ہیں۔اس سلسلے میں پولیس اسٹیشن گھگوال کی ایک پولیس پارٹی نے ایس ایچ او پی ایس گھگوال کی سربراہی میں ناکہ این ایچ ڈبلیو تپیال پر گاڑیوں کی چیکنگ کے دوران ایک گاڑی کو روکا اورچیکنگ کے دوران گاڑی کے اندر سے دو مویشی برآمد ہوئے جنہیں انتہائی ظالمانہ طریقے سے باندھ کر بغیر کسی جائز اجازت کے غیر قانونی طور پر منتقل کیا جا رہا تھا۔ علاوہ ازیں دو الگ کاروائیوں سمیت پولیس نے تین گاڑیاں ضبط کیں اور دو مویشی اسمگلروں کو گرفتار کیا۔
