لازوال ڈیسک
ریاسی؍؍ضلع ریاسی پولیس کے ذریعہ شروع کی گئی منشیات کے استعمال اور ناجائز شراب کے خلاف اپنی مہم کو جاری رکھتے ہوئے، ایک قابل اعتماد ذریعہ سے ایک اطلاع موصول ہوئی کہ منگی سنگھ ولد کاکا سنگھ ساکنہ کھیرالائڈ، تحصیل پونی ضلع ریاسی میں پولیس تھانہ پونی کے گاؤں کھیرالائیڈ کے ملحقہ علاقے میںغیر قانونی طور پر دیسی شراب فروخت کر رہا ہے۔ اس کی اطلاع ملنے پر پولیس تھانہ پونی کی پولیس پارٹی نے موقع پر چھاپہ مار کر اس کے قبضے سے 10 لیٹر دیسی غیر قانونی شراب برآمد کر کے اسے موقع سے گرفتار کر لیا۔ مزید برآں 55 لیٹر لہن بھی موقع پر تلف کر دیا گیا۔ آگے اور پیچھے کے روابط کا پتہ لگانے کے لیے تحقیقات کا آغاز کر دیا گیا۔ اس پر، ایک مقدمہ ایف آئی آر نمبر51/2023تحت سیکشن 48 (اے), 48(ای), 48-(ایف) ایکسائز ایکٹ پولیس تھانہ پونی میں درج ہے۔ اس ساری کارروائی کی قیادت ایس ایچ او پونی انسپکٹر پورب سنگھ نے ڈپٹی ایس پی ہیڈکوارٹر نیرج پڈیار- جے کے پی ایس کی نگرانی میں کی۔ ایک اور واقعہ میں، پولیس تھانہ کٹرا کی ناکہ پارٹی، پی سی پی نومائںکٹرا میں چیکنگ/فریکنگ ڈیوٹی پر تھی۔ چیکنگ کے دوران دو افراد جو کہ نومین کی طرف سے کٹرہ ٹاؤن کی طرف پیدل آ رہے تھے، پولیس پارٹی کو دیکھ کر موقع سے فرار ہونے کی کوشش کی لیکن پولیس پارٹی نے انہیں پکڑ لیا۔ ایک شخص کی چیکنگ کے دوران جس نے اپنا نام مہنگا سنگھ ولد کلونت سنگھ ساکنہ گلی دھوتیاں والی، ترن تارن، امرتسر بتایا، پولیس پارٹی کو 9.50 گرام ہیروئن جیسی مادہ برآمد ہوئی۔ مزید ایک دوسرے شخص کی جانچ پڑتال پر جس نے اپنا نام نمسروپ سنگھ ولد جرنیل سنگھ ساکنہ وارپال، امرتسر بتایا، پولیس پارٹی کو 09 گرام افیون جیسا مادہ ملا۔ اس پر مقدمہ ایف آئی آر نمبر 238/2023تحت سیکشن 22/21/18/بی این ڈی پی ایس ایکٹپولیس تھانہ کٹرا میں درج ہے اور تفتیش جاری ہے۔پوری کارروائی کی قیادت ایس ایچ او پولیس تھانہ کٹرا انسپکٹر نشانت گپتا ایس ڈی پی او کٹرا ایس سریندر سنگھ-جے کے پی ایس کی نگرانی اور ایس پی کٹرا وپن چندرن- جے کے پی ایس کی مجموعی نگرانی میںکر رہے ہیں۔ ایس امیت گپتا-جے کے پی ایس کے سینئر سپرنٹنڈنٹ آف پولیس ریاسی نے تفصیل بتاتے ہوئے کہا کہ ریاسی پولیس علاقے میں منشیات کے استعمال اور شراب کی غیر قانونی اسمگلنگ کی لعنت کو روکنے میں کوئی کسر نہیں چھوڑے گی۔ایس ایس پی نے مزید اپیل کی کہ معاشرے سے اس لعنت کو ختم کرنے کے لیے عوام پولیس کے ہاتھ مضبوط کرنے کے لیے آگے آئیں۔
