ضلع ترقیاتی کمشنر نے سینٹری کے نیپکن کئے فراہم
لازوال ڈیسک
ریاسیآئی سی ڈی ایس پروجیکٹ ریاسی اور محکمہ صحت کے اشتراک سے پوشن ابھیان کے تحت ڈیرہ بابا پنچائت بلاک ریاسی میں ایک بیداری کیمپ کا اہتمام کیا گیا ۔اس موقع پر دوشیزاﺅں کو خوراک، صحت اور صفائی کے متعلق جانکاری فراہم کی گئی ۔وہیں تقریب میںاپنے خیالات کا اظہار کرتے ہوئے سی ڈی پی او ریاسی انجم گنائی نے ضلع ترقیاتی کمشنر ریاسی اندو کول چب کا شکریہ ادا کیا جنہوں نے دوشیزاﺅں میں سینٹری نیپکن فراہم کئے ۔انہوں نے کہا کہ ہم دوشیزاﺅں میں صحت اور صفائی کے متعلق بیداری لا رہے ہیں۔انہوں نے کہا عوام میں بیداری لانے کے سلسلہ میں کئی بیداری پروگراموں کا انعقا د کیا گیا ۔انہوں نے کہا کہ خواتین خود مددگار گروپوں کی نمائندگان کو دوشیزاﺅں میں بیداری لانے میں اہم کردار ادا کرنا چاہئے۔
