یواین آئی
ممبئی ؍؍شیو سینا (اْدھو ٹھاکرے) کے لیڈر سنجے راوت نے کہا ہے کہ کانگریس لیڈر راہل گاندھی نے لوک سبھا انتخابات کے دوران جس طرح سے جدوجہد کی ہے، ہر کسی کی خواہش ہے کہ وہ ملک کی قیادت کریں۔
لوک سبھا انتخابات کے ووٹوں کی گنتی کے رجحانات میں انڈیا گروپ کی شاندار کامیابی پر خوشی کا اظہار کرتے ہوئے، مسٹر راوت نے نامہ نگاروں سے کہا، "کانگریس پورے ملک میں آگے بڑھ رہی ہے۔ اگر کانگریس 100 کا ہندسہ عبور کرتی ہے تو سمجھ لیں کہ انڈیا بلاک جیت گیا ہے۔ کانگریس اس سے بھی آگے جا رہی ہے۔ اگر راہل گاندھی کی قیادت میں کانگریس کے نتائج آتے ہیں تو کانگریس 150 سیٹوں تک بھی پہنچ سکتی ہے اور اگر کانگریس کو 150 سیٹیں مل جاتی ہیں تو ملک کی پوری تصویر بدل جائے گی۔
راہل گاندھی کے وزیر اعظم بننے سے متعلق ایک سوال کے جواب میں، انہوں نے کہا، "اگر کانگریس سب سے بڑی پارٹی بنتی ہے تو وزیر اعظم ان کا ہی ہوگا۔ ملک کی خواہش ہے کہ راہل گاندھی نے جس طرح جدوجہد کی ہے وہ بے مثال ہے، وہ ملک کی قیادت کریں۔
