سری نگر، //اکانگریس کے سینئر لیڈر راہل گاندھی جمعے کی سہ پہر کو شہرہ آفاق سونہ مرگ پہنچے جہاں پر کانگریس لیڈران اور کارکنان نے ان کا استقبال کیا۔
اطلاعات کے مطابق لداخ سے واپسی پر راہل گاندھی جمعے کی سہ پہر کو سونہ مرگ پہنچے جہاں پر پہلے سے موجود کانگریس لیڈروں اور کارکنان نے ان کا پرتپاک استقبال کیا۔
نامہ نگار نے بتایا کہ کانگریس کے سینئر لیڈران طاریق حمید قرہ اور سابق وزیر غلام احمد میر نے راہل گاندھی کا استقبال کیا ۔
اس موقع پر راہل گاندھی کی ایک جھلک دیکھنے کی خاطر لوگوں کی بھیڑ امڑ پڑی تھی۔دریں اثنا یو این آئی کو ذرائع سے معلوم ہوا ہے کہ راہل گاندھی سری نگر میں پارٹی کے سینئر لیڈران کے ساتھ ملاقی ہونگے۔معلوم ہوا ہے کہ کانگریس کو جموں وکشمیر میں مضبوط کرنے کی خاطر زمینی سطح پر اقدامات ا ٹھائے جارہے ہیں۔ذرائع کے مطا بق سونیا گاندھی اور پرینکا گاندھی کا بھی سری نگر پہنچنے کا امکان ہے ۔
