حکومت خصوصی طور پر معذور افراد کی فلاح و بہبود کے لیے پرعزم ہے: ڈی سی
لازوال ڈیسک
راجوری خصوصی طور پر معذور افراد کی مشکلات کو کم کرنے کے لیے، ڈپٹی کمشنر راجوری، وکاس کنڈل نے آج یہاں محکمہ سماجی بہبود کے زیر اہتمام ایک کیمپ میں 35 خصوصی طور پر معذور افراد میں مختلف مصنوعی امدادی سامان تقسیم کیا۔وہیںاستفادہ کنندگان کے ساتھ بات چیت کرتے ہوئے، ڈی ڈی سی نے کہا کہ حکومت ان کی فلاح و بہبود کو یقینی بنانے کے لیے پرعزم ہے، اور انھیں معاشرے میں باوقار زندگی گزارنے کے قابل بنانے کے لیے متعدد اقدامات کیے جا رہے ہیں۔انہوں نے حکومت کی طرف سے خصوصی طور پر معذور افراد کی فلاح و بہبود کے لیے کیے جانے والے مختلف اقدامات پر بھی روشنی ڈالی، جن میں پنشن کی شکل میں مالی امداد، مفت تعلیم، مفت علاج معالجہ، پیشہ ورانہ پروگرام وغیرہ شامل ہیں اور کہا کہ اس زمرے میں لوگوں کی ایک بڑی تعداد ہے۔وہیںڈی ایس ڈبلیو او نے بتایا کہ تقسیم کیے گئے مصنوعی آلات میں واکنگ اسٹکس، بیساکھی، سماعت کے آلات، ٹرائی سائیکلیں، وہیل چیئر وغیرہ شامل ہیں۔
