کشواڑ میں اسکولی بچوں میں غذائی پیکٹ تقسیم کئے گئے
لازوال ڈیسک
کشتواڑ// کشتواڑ ضلع کے تقریباً 2000 طلباء و سماجی اصلاحات اور خیراتی تنظیم کشتواڑ (ایس آر سی او) اور ڈابر انڈیا لمیٹڈ کے ذریعہ شروع کئے گئے خصوصی ہفتہ طویل صحت اور تغذیہ معاونت پروگرام کے تحت غذائیت سے بھرپور جوس کے پیکٹ فراہم کئے گئے۔پروگرام کی خاص باتوں میں سے ایک اسکول کے یوم تاسیس کے موقع پر آدرش بال نکیتن ہائی اسکول کشتواڑ میں جوس کے پیکٹوں کی تقسیم کی گئی۔ اس تقریب کا انعقاد سابق وزیر سنیل شرما نے بطور مہمان خصوصی ضلع کی دیگر اہم شخصیات کی موجودگی میں کیا۔اے بی این اسکول کے پرنسپل نے ایس آر سی او کشتواڑ کی انتظامی ٹیم کے ساتھ، چیئرمین سنجیو پریہار، ایڈوکیٹ کلدیپ کمار شرما، انجینئر لوکیش شرما، اور دلجیت پالسر، سماجی کارکن سپارش پریہار نے تقسیم کی تقریب میں شرکت کی۔سابق وزیر سنیل شرما نے اس پہل کی تعریف کی اور سماجی اصلاحات اور خیراتی تنظیم کشتواڑ اور ڈابور انڈیا لمیٹڈ کی بہت تعریف کی۔ انہوں نے مستقبل میں اس طرح کے مزید اچھے اقدامات کی امید ظاہر کی۔اس پروگرام کا بنیادی مقصد اسکولوں اور یتیم خانوں کے طلباء کو فائدہ پہنچانا ہے، ان کی صحت اور غذائی ضروریات پر توجہ مرکوز کرنا۔ اس تقریب کے دوران ایکل ابھیان کے اراکین اور طلبہ میں غذائیت سے بھرپور جوس کے پیکٹ دل کھول کر تقسیم کیے گئے۔یہ پروگرام تقریباً 20,000 افراد تک رسائی کے ساتھ ایک ہفتے کے لیے مقرر کیا گیا ہے، جس میں نوجوان اور طلبہ بھی شامل ہیں۔
