لازوال ڈیسک
جموں//ممتاز پنجابی شاعر پدم شری ڈاکٹر سرجیت پاتر کی خدمات کو یاد کرنے کے لیے جموں و کشمیر اکیڈمی آف آرٹ، کلچر اینڈ لینگوئیجز (جے کے اے اے سی ایل) کی جانب سے کے ایل سیگل ہال میں ایک روزہ پروگرام کا انعقاد کیا گیا۔وہیںپدم شری ڈاکٹر جتندر اودھمپوری، نامور پنجابی ادیب خالد حسین، بلجیت رائنا، ڈاکٹر جاوید راہی، چیف ایڈیٹر اور جے کے اے اے سی ایل کے سنٹر فار لینگویجز اینڈ کلچر کے سربراہ صدارت میں تھے۔ اس تقریب کا ڈیزائن پوپندر سنگھ پارس نے تیار کیا تھا اور اسے اکیڈمی کے سکریٹری بھرت سنگھ کی نگرانی میں منعقد کیا گیا تھا۔
ڈاکٹر جاوید راہی نے اپنے خطبہ استقبالیہ میں کہا کہ یہ پروگرام ڈاکٹر سرجیت پاتر کو خراج عقیدت پیش کرنے کے لیے منعقد کیا گیا تھا، جن کا 11 مئی 2024 بروز ہفتہ انتقال ہو گیا تھا۔ انہوں نے ڈاکٹر پاتر کے معزز عہدوں پر روشنی ڈالی ۔ڈاکٹر پاٹر کی جے کے اے سی ایل کے ساتھ متعدد پروجیکٹس پر وابستگی کو بھی نوٹ کیا گیا۔خالد حسین نے پنجابی ادب میں ڈاکٹر پاتر کی انمول شراکت پر تبصرہ کیا، پنجابی غزل میں ایک رجحان ساز اور ایک درجن کتابوں کے مصنف کے طور پر ان کے کردار پر زور دیا۔ ڈاکٹر جتندر اودھمپوری نے اپنے صدارتی خطاب میں پنجابی ادب اور برصغیر کی شاعرانہ روایت پر ڈاکٹر پاتر کے اہم اثرات کی وضاحت کی۔
