حفیظ قریشی
کٹھوعہ؍؍پرنسپل جی ڈی سی کٹھوعہ پروفیسر سیما میر نے سینئر فیکلٹی ممبران کے ساتھ جموں یونیورسٹی وائس چانسلر کمنڈیشن سرٹیفکیٹ سے رضا ء کاروں کو نوازا۔واضح رہے اس سال جموں ڈویژن کے مختلف کالجوں سے صرف گیارہ رضاکاروں کو وائس چانسلر تعریفی اسناد سے نوازا گیا۔وہیں گیارہ منتخب رضاکاروں میں سے چھ رضاکار جی ڈی سی کٹھوعہ کے این ایس ایس یونٹس سے تعلق رکھتے ہیں۔واضح رہے یہ سرٹیفکیٹ رضاکاروں کو باقاعدہ پروگراموں کے علاوہ این ایس ایس میں ان کے تعاون کے لیے دی جاتی ہے۔اس موقع پر پرنسپل جی ڈی سی کٹھوعہ نے رضاکاروں کو میمنٹو اور سرٹیفکیٹ پیش کیے۔وہیں پرنسپل تمام رضاکاروں کو یہ کامیابی حاصل کرنے اور اس باوقار ادارے کا نام روشن کرنے پر مبارکباد پیش کی۔کالج پرنسپل نے این ایس ایس پروگرام افسران پروفیسر منموہن سنگھ، پروفیسر نیہا بندرال اور ڈاکٹر سریش شرما کو بھی اس کامیابی کے لیے مبارکباد پیش کی اور رضاکاروں کی اس طرح کی کامیابیوں کے لیے رہنمائی کرنے کی ان کی کوششوں کی تعریف کی۔
