غیر ہنر مند ری سائیکلنگ اور پلاسٹک کے فضلے کی غیر بایوڈیگریڈیبلٹی ماحولیاتی تشویش کو بڑھاتے ہیں
لازوال ڈیسک
جموں گورنمنٹ کالج آف ایجوکیشن جموں کے این ایس ایس یونٹ نے انڈین پولیوشن کنٹرول ایسوسی ایشن (ایل پی سی اے) اور انفارمیشن ایجوکیشن اینڈ کمیونیکیشن (آئی ای سی) کے اشتراک سے سوچھتا پکھواڑہ 2024 کے تحت ٹھوس اور پلاسٹک ویسٹ مینجمنٹ کے لیے ایک بیداری پروگرام کا انعقاد کیا۔ اس موقع پر پورنیما شرما، سابق ڈپٹی میئر اور آر جے سارنگ موجود تھیں جنہوں نے اپنی حکمت کے قیمتی الفاظ شیئر کیے اور سالڈ اور پلاسٹک ویسٹ مینجمنٹ کے بارے میں خدشات کو اجاگر کیا۔
اس دوران ڈاکٹر جیوتی پریہار، پرنسپل، جی سی او ای جموں مہمانِ خصوصی تھےں۔ اس تقریب میں رنویر سنگھ چِب، ریجنل منیجر، آئی پی سی اے جموں وکشمیر ، انکش شرما، ڈسٹرکٹ کوآرڈینیٹر (اربن لوکل باڈیز)،آئی ای سی جموںو کشمیر دیگر معززین اور کالج کے فیکلٹی ممبران کی موجودگی میں شرکت کی۔ وہیں مقررین نے کہاکہ پلاسٹک ہماری روزمرہ کی زندگی کا ایک لازمی حصہ بن چکا ہے لیکن غیر ہنر مند ری سائیکلنگ اور پلاسٹک کے فضلے کی غیر بایوڈیگریڈیبلٹی ماحولیاتی تشویش کو بڑھاتے ہےں۔ وہیںریسورس پرسنز نے بتایا کہ کس طرح ناقص ویسٹ مینجمنٹ جس میں ناقص اکٹھا کرنے کے نظام سے لے کر غیر موثر ڈسپوزل تک – فضائی آلودگی، پانی اور مٹی کی آلودگی کا سبب بنتا ہے اور طالب علموں کو ویسٹ مینجمنٹ کے مختلف طریقوں کے بارے میں آگاہ کیا جو وہ اپنی زندگی میں اپنا سکتے ہیں۔
اس موقع پرڈاکٹر جیوتی پریہار، پرنسپل جی سی او ای جموں نے طلباءکے ساتھ اپنے حوصلہ افزا الفاظ کا اشتراک کیا اور انہیں صحت اور حفظان صحت کے طریقوں کو اپنانے کی ترغیب دی جو انہوں نے سیشن میں سیکھے ہیں۔ واضح رہے یہ طلباءکے ساتھ ساتھ فیکلٹی ممبران کے لئے ایک بہت ہی انٹرایکٹو اور علمی سیمینار تھا۔
