لازوال ڈیسک
راجوری//گورنمنٹ گرلز ہائر سیکنڈری اسکول سندربنی کے احاطے میںآج یہاں چیف ایجوکیشن آفیسر کے دفتر کی طرف سے آج ‘ماحولیات کی تعمیر’ کے تحت ایک خصوصی بیداری پروگرام کا انعقاد کیا گیا۔
وہیں یہ آگاہی پروگرام مختلف اسکیموں پر مرکوز تھا جیسے جامع تعلیم ، فاؤنڈیشنل لٹریسی اور عدد اور مسلسل اور جامع تشخیص وغیرہ۔وہیں اس پروگرام میں 150 سے زائد والدین، پی آر آئیز، اداروں کے سربراہان اور اساتذہ نے شرکت کی۔
پروگرام کی صدارت اسکول کے پرنسپل آر سی شرما نے بطور مہمان خصوصی کی۔اس موقع پر سنجیو کمار سوری، پرنسپل بی ایچ ایس ایس سندربنی اور سباش چندر شرما، زونل ایجوکیشن آفیسر سندربنی نے بھی بطور مہمان خصوصی شرکت کی۔وہیںمقررین میں جی ایم ایس کھوئیڈھیری کے اروند کمار، جی پی ایس دوبہ کے جگجیت کمار، جی ایم ایس تلہ نگرا کے چیتن شرما، منجلی جموال، جی ایچ ایس ایس سندربنی کے ندھی بادیال اور انجو شرما اور گورنمنٹ کے ڈاکٹر دشینت پردیپ شامل تھے۔وہیں بی ایچ ایس ایس سندربنی نے شرکاء کو جامع تعلیم اور قومی تعلیمی پالیسی 2020 کو فروغ دینے کے لیے حکومت کی طرف سے چلائی جا رہی مختلف اسکیموں کے بارے میں روشنی ڈالی۔ ورندر شرما نے پروگرام کے اسٹیج سکریٹری کے طور پر کام کیا۔
وہیںپرنسپل آر سی شرما نے جی ایچ ایس ایس سندربنی میں اس طرح کے ایک اہم بیداری پروگرام کے انعقاد کے لئے چیف ایجوکیشن آفیسر کا شکریہ ادا کیا اور پروگرام میں اہم معلومات کا اشتراک کرنے کے لئے تمام شرکاء کا شکریہ بھی ادا کیا۔
