سی سی آئی جموں نے ایل جی اور جموں و کشمیر انتظامیہ کا شکریہ ادا کیا
لازوال ڈیسک
جموں؍؍ارون گپتا، صدر سی سی آئی نے آج لیفٹیننٹ گورنر منوج سنہا، راجیو رائے بھٹناگر، ایل جی کے مشیر،جموں و کشمیر کے چیف سکریٹری اٹل ڈھلو کا شکریہ ادا کیا۔یہاں جاری ایک بیان میں ارون گپتا کہا کہ ان ڈیلروں کے لیے جو پہلے کی ایمنسٹی اسکیم کا فائدہ نہیں اٹھا سکتے تھے، جی ایس ٹی سے پہلے کے ٹیکس بقایا جات کے تصفیہ کے لیے معافی دینے کے حوالے سے ہمارے دیرینہ مطالبے کو قبول کیا ہے۔ ارون گپتا نے کہا کہ اس ایمنسٹی اسکیم سے ڈیلرز کو جنرل سیلز ٹیکس ایکٹ 1962، سنٹرل سیلز ٹیکس 1956 اور وی اے ٹی ایکٹ 2005 کے تحت جرمانے اور سود کی 100 فیصد چھوٹ پر راحت ملے گی۔ ارون گپتا نے کاروباری برادری سے درخواست کی ہے کہ وہ مقررہ وقت کی حد کے اندر ٹیکس بقایا جات جمع کر کے اس ایمنسٹی سکیم کا ٹیکس فائدہ حاصل کریں۔ ارون گپتا نے مزید کہا کہ جی ایس ٹی اسکیم کو لاگو کرنے کے ابتدائی مرحلے کے دوران جی ایس ٹی اسکیم کے بارے میں لاعلمی کی وجہ سے ڈیلرز / تشخیص کرنے والوں کی طرف سے کچھ تکنیکی / دیگر معمولی غلطیاں ہوئیں۔ انہوں نے کہا کہ چیمبر حکومت سے درخواست کرتا ہے کہ ان ڈیلرز / اسیسز کو خاص طور پر 2017-2018، 2018-2019 اور 2019-2020 کے عرصے کے لیے اپنے کیسز نمٹانے کا ایک بار موقع دیا جائے۔
