صبح شدید سردی میں بالائی علاقہ جات کے طلباء کو مشکلات کا سامنا
لازوال ڈیسک
جموں؍؍ڈائریکٹر اسکول ایجوکیشن کشمیرکے حالیہ آرڈر کے مطابق دیہی علاقوں میں اسکول کا وقت صبح 10:30 سے 3:30 بجے تک ہے۔وہیں جموں صوبہ کے ونٹر زون کے اسکولوں میں وقت الگ ہے جس کے چلتے والدین اورطلباء نے ناظم تعلیمات جموں سے مطالبہ کیا ہے کہ اسکولوں کے اوقات کار کو کشمیر صوبے کے اسکولوں کے جیسا کیا جائے۔
https://www.dsek.nic.in/
اس سلسلے میں انہوںنے کہاکہ اسکولوں میں صبح دس بجے بھی کافی سردی ہوتی ہے اور بالخصوص پہاڑی علاقہ جات میں معاملات اور مشکل ہوجاتے ہیں ۔انہوںنے کہاکہ اسکولوں میں اوقات کار کشمیر زون جیسے ہونے چاہئے تاکہ جو طلباء دور دراز علاقوں سے سفر کر کے اسکولوں میں پہنچتے ہیںا نہیں مشکلات کا سامنا نہ ہو۔انہوںنے کہا کہ موجودہ اوقات کار کے چلتے بالائی علاقہ جات کے طلباء کو زیادہ مشکلات کا سامنا ہے کیونکہ انہیں اگر دس بجے اسکول پہنچنا ہوتا ہے صبح جلد انہیں اسکول کیلئے گھر سے نکلنا پڑتا ہے ۔ جموںصوبے کے ونٹر اسکول کے طلباء اور بالخصوص والدین نے اس سلسلے میں ناظم تعلیمات جموں سے اپیل کرتے ہوئے کہاکہ اسکولوں کے اوقات کو صبح 10:30تاچار کیا جائے تاکہ طلباء کو صبح کی سردی میں مشکلات سے نجات مل سکے ۔
