لازوال ڈیسک
جموں؍؍ سیکرٹری پلاننگ ڈیولپمنٹ اینڈ مانیٹرنگ ڈیپارٹمنٹ اعجاز اَسدنے آج محکمہ کے ضلعی سطح کے دفاتر کے کام کاج کا جائزہ لینے کے لئے ایک میٹنگ منعقد کی۔میٹنگ میں ڈائریکٹر جنرل ای اینڈ ایس، ڈائریکٹر جنرل (پی ایم سی ای)، ڈائریکٹر جنرل (پی ایف ڈی)، جموں و کشمیر کے ریجنل ڈائریکٹران (اِی اینڈ ایس) کے علاوہ ضلعی سطح کے پلاننگ افسران اور پی ڈی اینڈ ایم ڈی کے دیگر افسران نے شرکت کی۔سیکرٹری موصوف نے ہر ضلعی سطح کے پلاننگ آفیسرسے بات چیت کی اور ان کے متعلقہ دفاتر کے کام کاج کا جائزہ لیا۔ اُنہوں نے ضلعی سطح پر عملانے والی مرکزی معاونت والی سکیموں کی صورتحال کا جائزہ لیا جس میںفزیکل تصدیق ، سروے اور تشخیصی رِپورٹوں پر تازہ ترین معلومات شامل ہیں۔ سیکرٹری نے جموں و کشمیر کی مجموعی ترقی اور ترقی میںمرکزی معاونت والی سکیموں کے اہم کردار پر زور دیتے ہوئے نچلی سطح پر ان اہم سکیموں کی صد فیصد اہداف حاصل کرنے کی ضرورت پر زور دیا۔ اُنہوں نے چیف پلاننگ اَفسران کو ہدایت دی کہ ضلعی حکام کی جانب سے براہِ راست عملانے والی تمام سکیموں کی بروقت تکمیل کویقینی بنایا جائے۔ اُنہوں نے تمام ڈسٹرکٹ سٹیٹسٹکس اینڈ ایویلیویشن افسران پر زور دیا کہ وہ تمام کام کے اسائنمنٹس کو فوری طور پر مکمل کریں جس میں فزیکل ویری فکیشن، ایویلیویشن سٹیڈیز، سروے وغیرہ کی صد فیصد تکمیل بھی شامل ہے۔ اُنہوں نے ضلعی دفاتر کے روز مرہ کے کام کاج میں تکنیکی مداخلتوں کو بہتر طریقے سے اِستعمال کرنے کی ضرورت پر زور دیا۔ اِس سلسلے میں اُنہوں نے افسران کے لئے حساسیت اور صلاحیت سازی پروگرام شروع کرنے کی ہدایت دی۔
