چوتھے امان میموریل کرکٹ ٹورنامنٹ کے فائنل میچ کا مشاہدہ کیا
بابر فاروق
کشتواڑ؍؍جموں و کشمیر پولیس کے سربراہ دلباغ سنگھ، اے ڈی جی پی جموں زون مکیش سنگھ، اور ڈی آئی جی ڈوڈہ کشتواڑ رامبن رینج ڈاکٹر سنیل گپتا نے کشتواڑ کا دورہ کیا، جہاں انہوں نے چوتھے امان میموریل کرکٹ ٹورنامنٹ کے فائنل میچ کا مشاہدہ کیا۔اپنے دورے کے دوران جموں و کشمیر پولیس کے ڈی جی پی نے کئی قابل ذکر اقدامات کا افتتاح کیا جن کا مقصد کشتواڑ پولیس اور خطے میں پولیس کی طرف سے منعقدہ پروگراموں میں عوام کی شمولیت کو بڑھانا ہے۔ افتتاحی تقریب کے دوران سینئر سپریٹنڈنٹ آف پولیس کشتواڑ خلیل پوسوال نے ان اقدامات کی اہمیت پر روشنی ڈالی۔ انہوں نے پولیس فورس کی صلاحیتوں کو مضبوط بنانے اور عوام کے ساتھ ان کے روابط کو بہتر بنانے میں ان کے کردار پر زور دیا۔نو تعمیر شدہ جی او سی میس کا افتتاح کیا گیا جو پولیس آفیسران کے لیے ایک مرکز کے طور پر اجلاسوں و دیگر کام کاج کے لیے آرام دہ اور سازگار ماحول فراہم کرے گا۔ کشتواڑ پولیس کی آفیشل ویب سائٹ کی نقاب کشائی کی گئی، جس میں عوام کو محکمہ پولیس کی سرگرمیوں اور خدمات سے متعلق اہم معلومات اور وسائل تک رسائی کی پیشکش کی گئی۔ جدید ای-بیٹ بْک موبائل ایپ متعارف کرائی گئی، جو پولیس اہلکاروں کو ڈیجیٹل طور پر ریکارڈ کو برقرار رکھنے اور اپنے فرائض کو ہموار کرنے کے لیے ایک موثر پلیٹ فارم مہیا کری گی۔ اس کے علاوہ مغل میدان میں ایک نئی تعمیر شدہ پولیس چوکی کا افتتاح بھی کیا گیا، جس سے علاقے میں قانون نافذ کرنے والی خدمات کی رسائی میں مزید اضافہ ہوا اور رہائشیوں کی حفاظت کو یقینی بنایا گیا۔ڈی جی پی نے جدید پولیسنگ میں ٹیکنالوجی، انفراسٹرکچر اور عوام کی شمولیت کی اہمیت پر زور دیتے ہوئے ان پیش رفتوں کے لیے اپنے جوش کا اظہار کیا۔ یہ اقدامات ایک محفوظ اور زیادہ جڑے ہوئے کشتواڑ خطے کی جانب اہم اقدامات کی نشاندہی کرتے ہیں۔تقریب کے دوران جموں و کشمیر کے ڈی جی پی نے ضلع پولیس کشتواڑ کے ایک سب انسپکٹر اشونی کنگوترا کو کشتواڑ پولیس کی ویب سائٹ تیار کرنے اور ای بیٹ بْک موبائل ایپ بنانے کے لیے سراہا۔ تقریب کے دوران سمیر کے پلنڈے کمانڈر آرمی 9 سیکٹر آر آر، ڈاکٹر دیویانش یادؤ ڈی سی کشتواڑ، موہتا شرما سینئر سپریٹنڈنٹ آف پولیس رامبن، عبدالقیوم سینئر سپریٹنڈنٹ آف پولیس ڈوڈہ، رومیش انگرال کمانڈنگ آفیسر آء آر پی 22 بٹالین، پرما شیون کمانڈنگ آفیسر سی آر پی ایف 52 بٹالین، کشتواڑ پولیس ، سی اے پی ایف کے دیگر آفیسران بھی اس موقع پر موجود تھے۔ امن میموریل کرکٹ ٹورنامنٹ کے اختتام پر میڈیا سے گفتگو کرتے ہوئے کہا کہ وادی چناب ایک وقت میں دہشتگردی سے متاثر تھا لیکن اب حالات مختلف ہیں۔ انہوں نے کہا پاکستان و پاکستان مقبوضہ کشمیر میں بیٹھے دہشتگردی کو دوبارہ زندہ کرنے کی کوشش کر رہے ہیں لیکن انہیں اپنی ناپاک حرکتوں میں کامیاب نہیں ہونے دے گے۔ ایک سوال کے جواب میں انہوں نے کہا کہ کشتواڑ میں چند دہشتگر باقی ہیں اور گزشتہ دنوں انکی کمین گاہ کو تباہ کرنے کے بعد ان کے خلاف بھی کوششیں جاری ہیں۔ اس سے قبل انہوں نے امن میموریل کرکٹ ٹورنامنٹ کے موقع پر خطاب کرتے ہوئے انہوں نے شہید امن ٹھاکر کو خراج عقیدت پیش کی۔ انہوں نے کہا کہ امن میموریل کرکٹ ٹورنامنٹ اب ہر سال منعقد کیا جا رہا ہے تاکہ ملک کے لیے اپنی جانوں کا نظرانہ پیش کرنے والے جموں وکشمیر پولیس اہلکاروں کو خراج عقیدت پیش کی جا?۔امن میموریل کرکٹ ٹورنامنٹ کا فائنل میچ کشتواڑ کے چوگان گراؤنڈ میں پوچھال زعفران و منٹو برادران کے خلاف کھیلا گیا جس میں منٹو برادران نے جیت حاصل کی۔ فائنل میچ میں جیت حاصل کرنے والی ٹیم کو ٹرافی و ایک لاکھ کے نقدی رقم سے نوازا گیا جبکہ رننر اپ ٹیم کو ٹرافی و پچاس ہزار نقدی رقم سے نوازا گیا۔
