ماہانہ’’ عوام کی آواز ‘‘پروگرام میںلیفٹیننٹ گورنر نے شہریوں کی کامیابی داستانوں کا اِشتراک کیا
لازوال ڈیسک
جموں ؍؍لیفٹیننٹ گورنر منوج سِنہانے ماہانہ پروگرام ’عوام کی آواز‘میںپی آر آئی ممبران، نوجوانوں، خواتین کے سیلف ہیلپ گروپوں، کاروباری اَفراد، رضاکارانہ آرگنائزیشنوں اور سماج کے ہر طبقے پر زور دیا کہ وہ’وِکست بھارت سنکلپ یاترا ‘میں فعال شرکت کریں۔لیفٹیننٹ گورنر نے کہا،’’مرکزی حکومت کی اَب تک کی سب سے بڑی رَسائی کی پہل ’ وِکست بھارت سنکلپ یاترا‘ جموں و کشمیر کی ہر پنچایت اور شہری مقامی باڈی کا احاطہ کرے گی۔سکیموں کی صد فیصد اہداف حاصل کرنے کے لئے لوگوں کی شرکت ضروری ہے اور اِس بات کو یقینی بنانا کہ اُن کے فوائد تمام مطلوبہ وصول کنندگان تک پہنچیں‘‘۔ اُنہوں نے کہا،’’ جب ہم 2023 ء کے آخری ایام سے گزرے رہے ہیںاور جب ہم گزرے ہوئے مہینوں پر نظر ڈالتے ہیں ہمیں متاثر کن ترقی، دیہی اور شہری علاقوں میں زندگی کا بہتر معیار اور چاروں طرف نمایاں ترقی دیکھنے کو ملتی ہے ۔ میں جموں و کشمیر کو اَپنے مقصد کی طرف اعتماد کے ساتھ آگے بڑھتے ہوئے دیکھ رہا ہوں۔‘‘لیفٹیننٹ گورنر نے شہریوں کی کامیابی کی داستانوں کا اشتراک کرتے ہوئے اودھمپور کے ایک بزرگ شہری منشی رام جی کا خصوصی تذکرہ کیا جنہوں نے پرانی لیپ ٹاپ بیٹری اور اِی ۔ویسٹ کا اِستعمال کرتے ہوئے اِی۔ سائیکل بنایا ہے۔ منشی رام جی نے وزیر اعظم کے ووکل فار لوکل اینڈ گرین اِنڈیا انیشی ایٹو سے حوصلہ اَفزائی محسوس کی اور اُمید ظاہر کی کہ وہ دوسروں کو سبز متبادل کے تئیں حساس اور ترغیب دیں گے۔لیفٹیننٹ گورنر نے سری نگر کی صدف کواَپنی معذوریوں کے باوجود ایک کامیاب کاروباری شخصیت بننے کے مقصدکو حاصل کرنے پر ستائش کی۔صدف کی زندگی ہمت، خود اعتمادی، سخت محنت اور عزم کی داستان ہے۔ اُنہوں نے کہا کہ ان کی قابلیت، مہارت اور علم دوسرے شہریوں کے لئے تحریک کا باعث ہے۔لیفٹیننٹ گورنر نے ضلع اِنتظامیہ کو ہدایت دی کہ وہ بھدرواہ کی میناکشی دیوی جیسی غیرمعمولی اور باہمت خواتین کو خراج تحسین پیش کریں اور انہیں ضروری تعاون فراہم کریں۔اُنہوں نے کہا کہ میناکشی دیوی ایک خاتون اِی۔ رکشا ڈرائیوراور ناری شکتی کی علامت ہیں۔اُنہوں نے کہا کہ بے پناہ چیلنجوں کے باوجودوہ اَپنے اہل خانہ کے لئے اُمید اور مشکلات کا سامنا کرنے والے دوسرے لوگوں کو ترغیب دے رہی ہیں۔لیفٹیننٹ گورنر نے جموں کے کوٹ بھلوال کی محترمہ پوجا کی تعریف کرتے ہوئے جنہوں نے ’’سمائلی چاکلیٹس‘‘ کے نام سے اَپنا گھریلو چاکلیٹ برانڈ قائم کیا ہے۔اُنہوں نے کہا پوجا کے اَنٹرپرینیورشپ میں قدم رکھنے سے علاقے کی دیگر خواتین کو جرأت مندانہ راستے کا اِنتخاب کرنے اور چیلنجوں کو مواقع میں تبدیل کرنے کی ترغیب مل رہی ہے۔لیفٹیننٹ گورنرمنوج سِنہا نے پردھان منتری مدرا یوجنا سے مستفید ہونے والے ٹنگمرگ کے جاوید احمد کے کاروباری سفرکا بھی اِشتراک کیا جو نوجوانوں کو روزگار کے متلاشی نہیں بلکہ روزگار پیدا کرنے والے بننے کی ترغیب دے رہے ہیں۔اُنہوں نے کولگام سے تعلق رکھنے والے طارق احمد گنائی کی کوششوں کو سراہتے ہوئے کہا کہ اُنہوں نے ویسٹ ٹو ویلتھ اکنامک ماڈل کے مقصد کو حاصل کرنے کے لئے ایک کامیاب ویسٹ ری سائیکلنگ یونٹ قائم کیا ہے۔ اُنہوں نے کہا کہ طارق احمد گنائی نہ صرف مقامی نوجوانوں کے لئے روزگار پیدا کر رہے ہیں بلکہ ایک صاف ستھرا اور زیادہ دیرپا مستقبل بھی بنارہا ہے ۔لیفٹیننٹ گورنر نے شہریوں سے ملنے والی تجاویز کا بھی ذکر کیا۔ اُنہوں نے متعلقہ محکموں اوراَفسروں کو ہدایت دی کہ جموں کی پونم شرما، گاندربل سے عبدالرشید بٹ، جموں سے سنجیتنا، پلوامہ کے احسان خلیق، اودھمپور کے انیل تھاپا، کٹھوعہ کے کنول سنگھ، بارہمولہ کے نور الدین خان، سری نگر کی مدینہ میر، کٹھوعہ کے سورو شرما اور پونچھ سے ذاکر حسین سے ملنے والی قیمتی معلومات پر مناسب کارروائی کی جائے۔
