کہاڈی ایم کے اور کانگریس ایک ہی سکے کے دو پہلو
یواین آئی
سیلم، (تمل ناڈو) ؍؍وزیر اعظم نریندر مودی نے منگل کو دراوڑ منیترا کژگم (ڈی ایم کے) اور اس کی اتحادی کانگریس کو بدعنوانی اور خاندانی سیاست میں مصروف ایک ہی سکے کے دو پہلوقرار دیتے ہوئے کہا کہ بھارتیہ جنتا پارٹی (ڈی ایم کے) بی جے پی کی قیادت میں قومی جمہوری اتحاد (این ڈی اے) اس سال کے لوک سبھا انتخابات میں 400 سے زیادہ سیٹیں جیت لے گا۔ریاست کے مغربی علاقے کونگو میں ایک بہت بڑی عوامی جلسےکے دوران، مسٹر مودی نے پٹالی مکل کچی (پی ایم کے ) کے بانی ڈاکٹر ایس رامادوس سمیت اتحاد میں شامل دیگر جماعتوں کے رہنماؤں کے ساتھ اسٹیج مشترک کیا۔انہوں نے کہا کہ ڈی ایم کے اور کانگریس ایک ہی سکے کے دو رخ ہیں۔
انہوں نے کہا کہ اگر ایک طرف بدعنوانی ہے تو دوسری طرف خاندانی حکمرانی ہے۔ دونوں جماعتوں پر تنقید کرتے ہوئے، انہوں نے اپوزیشن انڈیا اتحاد کا حصہ بننے پر کہا، "یہ دونوں جماعتیں بی جے پی کو اقتدار سے بے دخل کرنے اور مسٹر مودی کی مسلسل تیسری مدت کے لیے وزیر اعظم کے طور پر اقتدار میں آنے کی کوشش کو ناکام بنانے کی خواہشمند ہیں ۔بدعنوانی کے خلاف سخت کارروائی کا یقین دلاتے ہوئے وزیر اعظم نے کہا کہ بی جے پی اس الیکشن میں 400 سے زیادہ سیٹیں جیتے گی کیونکہ لوگ انہیں ووٹ دینے کے لیے تیار ہیں۔ اگلے پانچ سال ملک کی ترقی کے لیے اہم ہیں۔
