لازوال ڈیسک
جموں؍؍ بہوجن سماج پارٹی نے اتوار کو یہاں جموں میں یوم دستور منایا۔اس تقریب کا اہتمام بی ایس پی کے سینئر لیڈر بدری ناتھ کی صدارت میں کیا گیا ۔وہیں 73 ویں یوم آئین کی یاد میں، بدری ناتھ نے کہا کہ بی ایس پی نے شہریوں میں آئینی اقدار کو فروغ دینے کے لیے اس دن کو منانے کا فیصلہ کیا۔اس موقع پر اظہار خیال کرتے ہوئے بی ایس پی کے جنرل سکریٹری جموں و کشمیر یو ٹی راجیش گپتا نے کہا کہ یوم آئین کے موقع پر مرکزی اور ریاستی حکومتوں کو سنجیدگی سے جائزہ لینے کی ضرورت ہے کہ آیا وہ ہندوستانی آئین کی صحیح طریقے سے اور پوری ایمانداری کے ساتھ عمل کر رہی ہیں۔اس تقریب میں جسٹس وی کے اتری، پریتم چند، درشن تھاپا، کرتار چند، ڈاکٹر ہرجیت، ایڈووکیٹ اوم راج گورکھا، تلک راج، آر کے تھاپا اور دیگر نے شرکت کی۔
