ہم شری امرناتھ جی یاترا کے دوران یاتریوں کو قابل اعتماد اور سستی مواصلاتی خدمات فراہم کرنے کے لیے پرعزم ہیں:سوربھ تیاگی
لازوال ڈیسک
جموں؍؍سالانہ شری امرناتھ جی یاترا 2024 کے دوران یاتریوں کی مواصلاتی ضروریات کو پورا کرنے کے لیے، بھارت سنچار نگم لمیٹڈ (بی ایس این ایل) نے ایک خصوصی یاترا پلان شروع کیا ہے۔واضح رہے بی ایس این ایل یاتریوںکے لیے صرف 196روپئے کے ریچارج کے ساتھ ایک مفت سم کارڈ پیش کرتا ہے۔ یہ پری پیڈ کنکشن بہت سے فوائد پیش کرتا ہے، بشمول 10 دنوں کے لیے لا محدود وائس اور ڈیٹا۔ تاہم بی ایس این ایل یاترا کے پورے راستے کے ساتھ تیز رفتار 4G کنیکٹیویٹی کو یقینی بناتا ہے۔
یاترا سم کارڈ جموں و کشمیر کے مختلف سیاحتی استقبالیہ مراکز سے خریدا جا سکتا ہے، بشمول لکھن پور، بیس کیمپ بھگوتی نگر جموں، چندر کوٹ، بالتل، پہلگام بیس کیمپ اور دیگر اہم مقامات اس کیلئے مختص کئے گئے ہیں۔بی ایس این ایل نے اپنے نیٹ ورک کے بنیادی ڈھانچے کو ہموار 4جی کنیکٹیویٹی فراہم کرنے کے لیے اپ گریڈ کیا ہے، جو گپھاتک یاترا کے دوران بلا تعطل مواصلات اور تیز رفتار ڈیٹا تک رسائی کو یقینی بناتا ہے۔اس سلسلے میں سوربھ تیاگی، سی جی ایم ٹی بی ایس این ایل جموں وکشمیر سرکل نے کہاکہ ہم شری امرناتھ جی یاترا کے دوران یاتریوں کو قابل اعتماد اور سستی مواصلاتی خدمات فراہم کرنے کے لیے پرعزم ہیں۔انہوں نے کہاکہ ہمارے 4جی نیٹ ورک کے ساتھ، یاتری اپنے پیاروں سے جڑے رہ سکتے ہیں، اہم معلومات تک رسائی حاصل کر سکتے ہیں، اور اپنے تجربات کو سوشل میڈیا پر حقیقی وقت میں زیادہ سے زیادہ شیئر کریں۔
