یواین آئی
ممبئی؍؍بامبے ہائی کورٹ نے ایک معاملے میں کہا ہے کہ ملک کے آئین کے آرٹیکل 21 کے تحت بیرون ملک سفر کے حق کو بنیادی حق کے طور پر تسلیم کیا گیا ہے۔ہائی کورٹ نے سنٹرل بیورو آف انویسٹی گیشن (سی بی آئی) کے ایک معاملے میں ایک گواہ کو مختصر وقت کے لیے امریکہ اور برطانیہ جانے کی اجازت دیتے ہوئے اپنے حکم میں یہ بات کہی۔
جسٹس کمل کھاتا اور جسٹس شیام چانڈک کی تعطیلی بنچ نے گواہ سنجے ڈانگی کو 06 جون سے 23 جون تک امریکہ اور برطانیہ جانے کی اجازت دی۔این ڈی ایس آئی غیر بینکنگ مالیاتی کمپنی کے طور پر آتھم انویسٹمنٹ اینڈ انفراسٹرکچر لمیٹڈ کے پروموٹر ڈانگی کو سی بی آئی نے ودھوان سے پرموٹیڈ دیوان ہاؤسنگ فائنانس لمیٹڈ (ڈی ایچ ایف ایل) کے مبینہ گھپلے کی تحقیقات میں گواہ کے طور پر بلایا تھا۔ آتھم انویسٹمنٹ ریزرو بینک آف انڈیا (ا?ر بی ا?ئی) میں رجسٹرڈ ہے اور اس کے کل اثاثے 9,500 کروڑ روپے ہیں۔
اجازت دیتے ہوئے بنچ نے ڈانگی کے خلاف سی بی آئی کے جاری کردہ لک آؤٹ سرکلر (ایل او سی) کو بھی 24 جون تک معطل کر دیا۔ڈانگی کے سامنے عرضی میں کہا گیا تھا کہ سی بی آئی کیس میں داخل کی گئی چارج شیٹ میں عرضی گزار کا نام نہیں ہے اور حقیقت میں اسے ایجنسی نے بطور گواہ گواہی دینے کے لیے بلایا تھا۔ مزید برآں اسے پانچ مواقع پر بیرون ملک سفر کی اجازت دی گئی اور اس نے ان پر عائد شرائط کی کبھی خلاف ورزی نہیں کی۔
