بڑی تعداد میں مقامی لوگوں نے شجرکاری مہم نے حصہ لیا
لازوال ڈیسک
ڈوڈہ؍؍ہندوستانی فوج کی جانب سے دھرم کوٹ بھلا سوئی گڑھ، گواری، بیہوٹا اور گندوہ میں رہائشی آبادی کے ساتھ شجرکاری اور درخت لگانے کی مہم کا انعقاد کیا گیا۔ اڈ موقع پر رہائشیوں نے رضاکارانہ طور پر اپنے علاقوں میں درخت لگانے اور باغبانی میں پہل کی۔ تاہم موصول ہونے والا ردعمل زبردست تھا اور اس تقریب میں گاؤں کے چھوٹے بچوں سے لے کر بزرگوں تک کی فعال شرکت دیکھنے میں آئی۔وہیں شجرکاری مہم میں کل 148 باشندوں نے حصہ لیا اور مہم کے دوران بڑی تعداد میں درخت لگائے گئے۔
اس موقع پر مکینوں نے پانی کی گرتی ہوئی سطح، اردگرد تعمیرات کی وجہ سے بڑھتے ہوئے جنگلات کی کٹائی، ماحولیاتی آلودگی کی وجہ سے لوگوں کو درپیش چیلنجز کا حوالہ دیا اور اس بات پر زور دیا کہ ہر سطح پر رہائشی آبادی میں مضبوط بیداری کی ضرورت ہے اور یہ سب کی اجتماعی ذمہ داری ہے۔ انہوں نے کہا کہ معاشرے کے ارکان ماحولیات کے تحفظ اور اردگرد کی صفائی کو برقرار رکھنے کے لیے تمام ایجنسیوں کو لگن اور عزم کے ساتھ کام کرنے کی ضرورت ہے۔دریں اثناء عوام نے اس طرح کی ایک غیر معمولی مہم کے انعقاد پر اظہار تشکر کیا اور ہندوستانی فوج کی طرف سے اٹھائے گئے اقدامات کے لیے شکریہ ادا کیا۔
