لازوال ڈیسک
جموں؍؍ہندوستانی فوج نے ’بیٹی بچاؤ بیٹی پڑھاؤ‘پر ایک لیکچر کا اہتمام ضلع راجوری کے منیال میں کیا تاکہ بچیوں کی تعلیم کی اہمیت اور حقوق کے بارے میں بیداری پیدا کی جا سکے۔ لیکچر میں لڑکیوں کو بااختیار بنانے کے لیے ضروری پہلوؤں اور معاشرے میں ان کے انمول شراکت پر زور دیا گیا۔ سامعین کو مزید ترغیب دینے کے لیے، انہیں ہندوستان کی مقبول خواتین کے بارے میں آگاہ کیا گیا، جنہوں نے عالمی میدان میں انمٹ نقوش چھوڑے ہیں۔ بیداری مہم میں حکومت کی طرف سے شروع کی گئی مختلف خواتین کی مخصوص اسکیموں کا بھی احاطہ کیا گیا۔ گاؤں والوں نے مختلف سماجی مسائل پر ان کی حوصلہ افزائی، رہنمائی اور تعلیم دینے کے لیے ہندوستانی فوج کی طرف سے دی جانے والی مسلسل حمایت پر اظہار تشکر کیا۔
