سٹیٹ ٹیکسز محکمہ جموں کا جی ایس ٹی بیداری پہل پر پوسٹر اور سلوگن کمپٹیشن کا اِنعقاد
لازوال ڈیسک
جموں؍؍سٹیٹ ٹیکسز محکمہ جموں نے آج یہاں سٹیٹ ٹیکسز کانفرنس ہال ریل ہیڈ میں ملک میں جی ایس ٹی کے اطلاق کوچھ سال مکمل ہونے کے موقعہ پر گڈز اینڈ سروسز ٹیکس ہفتہ کے دوسرے دِن پوسٹر اور سلوگن کمپٹیشن کا اِنعقاد کیا ۔پروگرام کا اِفتتاح کمشنر سٹیٹ ٹیکسز ڈاکٹر رشمی سنگھ نے کیا۔اِس موقعہ پر ایڈیشنل کمشنر سٹیٹ ٹیکسز( ٹیکس پلاننگ ، پالیسی اور ایڈوانس رولنگ ) جموں وکشمیر انکیتا کار ، ایڈیشنل کمشنر سٹیٹ ٹیکسز ( ایڈمنسٹریشن اینڈ اَنفورسمنٹ ) جموں نمرتا ڈوگرا ، ڈپٹی کمشنر سٹیٹ ٹیکسز ( ہیڈ کوارٹر) جموںوکشمیر آشیمہ شیر، ڈپٹی کمشنر سٹیٹ ٹیکسز ( اپیل۔ II) شازیہ کوثر اور اسسٹنٹ کمشنران اعجاز قیصر ، سانچی مشرا، طلباء ، والدین ، مختلف این جی اوز کے رضاکار اور متعلقہ محکموں کے دیگر اعلیٰ اَفسران اور ملازمین موجود تھے۔اِس موقعہ پرڈاکٹر رشمی سنگھ نے خطاب کرتے ہوئے جی ایس ٹی کے اطلاق کو چھ سال مکمل ہونے کی اہمیت پر زور دیا جس میں بیداری مہم میں طلباء بھی شامل ہیں کیوں کہ بچے معاشرے کی تعمیر کا کام کرتے ہیں۔اُنہوں نے ریاستی ٹیکس محکمہ جموں کے سینئر افسران کی سراہنا کی کہ وہ مختلف اقدامات سے صارفین میں جی ایس ٹی کے بارے میں بیداری پیدا کرنے کے نئے طریقے اپنانے کے لیے تیار ہیں۔انکیتا کار نے جی ایس ٹی ہفتہ پر بیداری پروگرام منعقد کرنے میں سینئر اَفسروں کے کردار کی سراہنا کی۔اِس موقعہ پر نمرتا ڈوگرا نے خطاب کیا اور جی ایس ٹی کے بارے میں بیداری کی اہمیت اور جی ایس ٹی کو مزید مضبوط بنانے کے لئے اُٹھائے جانے والے اقدامات پر روشنی ڈالی۔بعد ازاں ،کمشنر سٹیٹ ٹیکسز نے شرکاء میںاسناد اور مومنٹوز تقسیم کیں تاکہ جی ایس ٹی کے بارے میں بیداری پروگرام کے دوران ان کے خیالات کی حوصلہ افزائی کی جا سکے۔پوسٹر مقابلے میں پرائمری زمرے میں ریان گپتا نے پہلی ، روہان چودھری نے دوسری اور رنویر سنگھ نے تیسری پوزیشن حاصل کی ۔ مندرجہ بالا پرائمری زمرہ میں آیوشی رانا پہلے ، آدرش بھگت دوسرے اور امرتا بھان کو فاتح قرار دیا گیا ۔سلوگن کمپٹیشن میں نویابالی نے پہلی ، بھیرو شرما نے دوسری اور دیونش لنگر نے تیسری پوزیشن حاصل کی۔
