ڈھاکہ، 8 اگست (یو این آئی) نوبل انعام یافتہ ڈاکٹر محمد یونس کی قیادت میں بنگلہ دیش کی نئی عبوری حکومت جمعرات کی شام بنگ بھون کے دربار ہال میں حلف اٹھائے گی۔
ڈھاکہ ٹریبیون کے مطابق صدر محمد شہاب الدین نئی حکومت کو حلف دلائیں گے۔
میڈیا رپورٹس میں بتایا گیا کہ ڈاکٹر یونس عبوری حکومت کے چیف ایڈوائزر ہوں گے، جن کا رینک وزیراعظم کے برابر ہوگا اور دیگر مشیروں کو وزراء کا درجہ حاصل ہوگا۔
آرمی چیف جنرل وقار الزمان نے بدھ کو عبوری حکومت کی تقریب حلف برداری کا اعلان کیا تھا۔ عبوری حکومت کے حجم کے بارے میں پوچھے جانے پر، انہوں نے کہا کہ انہیں یقین ہے کہ اس میں ابتدائی طور پر 15 کے قریب ارکان ہوں گے، حالانکہ ایک یا دو مزید افراد کو شامل کیا جا سکتا ہے۔
