مخلص
نیازؔ جیراجپوری
٭
برسو رے بدروا
آ جاؤ لگائی کے گھٹاؤں کا کجروا
برسو رے بدروا
کھیت کھلیان سُوکھے دھرتی ہے پیاسی
چہروں پہ کِسانوں کے چھائی اُداسی
تڑپت ہے گاؤں سارا آٹھوں پہروا
برسو رے بدروا
دریا دِلی تُو اپنی آ کے دِکھا جا
گرجت برست آ جا رے آ جا
راہ تیری دیکھیں ندی نالے پوکھروا
برسو رے بدروا
چُپ ہیں پپیہا کوئل چہکیں نہ بُلبُل
انکھیاں ہیں سُونی سُونی منوا ہے بیاکُل
خالی نہ رہ جائے آس کا گگروا
برسو رے بدروا
ساون بھی آ کے چلا گیا بِن برسے
پُروائی بھی نہ گُزری ہوکے اِدھر سے
رِم جھِم کو ترست ہیں انگنا دُوروا
برسو رے بدروا
باغ بگیچے پیڑ پَودے مُرجھائے
جَیراجپُوری جُھولا جُھول نہ پائے
لہرانا بُھول گئے چُنری انچروا
برسو رے بدرو
