سیاسی جماعتوں کے نمائندوں کوای سی آئی کے رہنما خطوط کے بارے میں تفصیل سے آگاہ کیا
لازوال ڈیسک
کرگل؍؍ایڈیشنل ڈپٹی کمشنر، کرگل، سہیل احمد، جو کہ نوڈل آفیسر ایم سی سی بھی ہیں، نے آج اپنے دفتر کے چیمبر میں آئندہ لوک سبھا انتخابات 2024 کے لیے ایم سی سی کے رہنما خطوط سے متعلق سیاسی جماعتوں کے نمائندوں کے ساتھ ایک میٹنگ کی صدارت کی۔وہیںمیٹنگ میں نوڈل آفیسر الیکشن اخراجات؍چیف اکاؤنٹس آفیسر، ڈسٹرکٹ فنڈ آفس، کرگل، افتخار حسین نے شرکت کی۔ اس موقع پراے ڈی سی کرگل نے سیاسی جماعتوں کے نمائندوں کو ایم سی سی کے بارے میں ای سی آئی کے رہنما خطوط کے بارے میں تفصیل سے آگاہ کیا۔ انہوں نے سیاسی جماعتوں کے نمائندوں کو ایم سی سی کے دوران پابندیوں کے بارے میں بھی آگاہ کیا۔
وہیںمیٹنگ کے دوران، نوڈل آفیسر الیکشن اخراجات؍چیف اکاؤنٹس آفیسر، ڈسٹرکٹ فنڈ آفس، کرگل، افتخار حسین نے بھی سیاسی جماعتوں کے نمائندوں کو انتخابی اخراجات کی نگرانی (ای ایم ایم) کے بارے میں آگاہ کیا۔انہوں نے ایم سی سی کے دوران مختلف اخراجات سے متعلق ای سی آئی کے رہنما خطوط کے بارے میں بھی تفصیلات بتائیں۔انفارمیٹکس آفیسر، این آئی سی، کارگل، افتخار حسین نے انتخابات میں استعمال ہونے والی ایپس اور پورٹلز پر پی پی ٹی پیش کیا۔انہوں نے سمویدا پورٹل سمیت مختلف ایپس اور پورٹلز کے بارے میں بتایا، جو امیدواروں کی آن لائن نامزدگی اور اجازت کے لیے استعمال ہوتے ہیں۔
