رواں مالی سال کے منصوبہ بندی پر ہوا تبادلہ خیال
شیراز چوہدری
راجوری؍؍ جمعرات کے روز چیئرمین ضلع ترقیاتی کونسل راجوری ایڈوکیٹ چوہدری نسیم لیاقت کی قیادت میں ضلع ترقیاتی کونسل راجوری کا اجلاس ڈاک بنگلو راجوری کے کانفرنس ہال میں منعقد ہوا اور رواں مالی سال کی منصوبہ بندی کے اوپر تبادلہ خیال ہوا لازوال کے ساتھ خصوصی بات چیت کرتے ہوئے چیئرمین ضلع ترقیاتی کونسل راجوری ایڈوکیٹ چوہدری نسیم لیاقت نے کہا پنچایتی راج نظام کو چلانے والے تین ٹائر ہوتے ہیں پہلا ٹائر گرام پنچائت دوسرا ٹائر بلاک کونسل اور تیسرا ٹائر ضلع ترقیاتی کونسل مگر پچھلے کچھ مہینوں سے پنچایتوں اور بلاک کونسل کی مدت مکمل ہونے کے بعد اب عوام کی نمائندگی صرف ضلع ترقیاتی کونسل کے ممبران ہی کر رہے ہیں اور سرکار نے پنچائتوں اور بلاک ڈیولپمنٹ کونسل کی انتظامی اختیارات بلاک ڈیولپمنٹ افسران کو دیے ہیں اور بلاک ڈیولپمنٹ افسران کو منصوبہ تیار کر کے کونسل کے پاس لانا اور کونسل نے اسے منظور کرنا ہے جس کے چلتے چند ضلع ترقیاتی کونسل کے ممبران اور بلاک ڈیولپمنٹ افسران کو کچھ خدشات تھے ۔
