کہامسلم خواتین، بشمول صادقہ خان کا ایودھیا پہنچنا انتہا پسندوں کا مقابلہ ہے
لازوال ڈیسک
ایودھیا؍؍ ہندو قوم پرست اور بی جے پی لیڈر راجو چندیل نے آج مسرت کا اظہارکرتے ہوئے کہاکہ بھگوان رام کے مندر کا شاندار افتتاح ملک میں رام راجیہ کے آغاز کی علامت ہے۔ چندیل نے تاریخی اہمیت پر زور دیتے ہوئے کہا کہ صدیوں کی جدوجہد کے بعد انہیں شاندار مندر اور قابل احترام دیوتا بھگوان رام کا مشاہدہ کرنا نصیب ہوا ہے۔چندیل نے صادقہ خان اور جموں کی دیگر مسلم خواتین کی موجودگی کو تسلیم کیا، بشمول سماجی کارکن صادقہ خان، جنہوں نے زعفرانی پرچم کو ایودھیا لے کر، انتہا پسند عناصر کا مقابلہ کیا۔ انہوں نے ان کا خیرمقدم کیا اور کہا کہ ان کی موجودگی ملک میں مختلف مذاہب کے لوگوں کے درمیان اتحاد کی مثال ہے۔انہوں نے کہاکہ افتتاح کے دوران، والمیکی سماج کے معزز مہامنڈلیشور، کرشنا ودھیارتھی کو مدعو کیا گیا، جس نے تقریب میں والمیکی برادری کو دیے گئے احترام کا اظہار کیا۔ چندیل نے سناتن دھرم کے ہر پیروکار کی طرف سے محسوس کی گئی بے پناہ خوشی پر زور دیا۔ انہوں نے کہا کہ جموں و کشمیر سے تعلق رکھنے والی صادقہ خان سمیت متنوع پس منظر کے لوگ ملک میں موجود اتحاد کا مظاہرہ کرتے ہیں۔
