کہاجموں کے لوگوں نے بی جے پی اور اس کے حواریوں کو زندگی کا سبق سکھانے کا ارادہ کرلیا ہے
لازوال ڈیسک
جموں؍؍صوبائی صدر جموں و کشمیر نیشنل کانفرنس رتن لال گپتا نے کہا کہ نیشنل کانفرنس ہمیشہ سے سیکولرازم کی بہت بڑی حامی رہی ہے اور کرتی رہے گی۔انہوں نے کہاکہ ہمیں دوسروں سے سیکولرازم کے اسباق کی ضرورت نہیں ہے۔ انہوں نے کہا کہ آئندہ انتخابات میں جموں کے لوگوں نے بی جے پی اور اس کے حواریوں کو اپنی زندگی کا سبق سکھانے کا ارادہ کرلیا ہے۔سرکردہ اور سماجی کارکنوں نے ہفتہ کے روز شیر کشمیر بھون جموں میں بنی حلقہ سے نیشنل کانفرنس میں شمولیت اختیار کی اور شیر کشمیر شیخ محمد عبداللہ کے پسندیدہ ایجنڈے، دوستی اور جامعیت کے رشتوں کو مضبوط کرنے کے لیے کام کرنے کا عہد کیا۔ وہیںممتاز اور سماجی کارکنوں کا پارٹی میں خیرمقدم کرتے ہوئے رتن لال گپتا نے کہا کہ نیشنل کانفرنس جموں و کشمیر میں واحد پارٹی ہے جس نے مشکل ترین وقتوں میں بھی آزمائش کا مقابلہ کیا اور سیکولرازم کا پرچم بلند رکھا۔ رتن لال گپتا نے امید ظاہر کی کہ تمام صحیح سوچ رکھنے والے لوگ اکٹھے ہوں گے اور فرقہ وارانہ عناصر کی سازشوں کو ناکام بنانے کے لیے سیکولر طاقتوں کو مضبوط کریں گے، جو سماج کے مختلف طبقات کے درمیان پھوٹ پیدا کر رہے ہیں۔
