بار ایسوسی ایشن، جموں نے سلگتے مسائل اُبھارے ،پارکنگ،کنٹین،عمارت کی مرمت اوروکلاء چیمبرز کی تعمیرکی مانگ
لازوال ڈیسک
جموں ؍؍جموں و کشمیر ہائی کورٹ بار ایسوسی ایشن، جموں کے ایک وفد نے اس کے صدر وکرم شرما، سینئر ایڈوکیٹ کی سربراہی میں ممبر پارلیمنٹ انجینئرغلام علی کھٹانہ سے ملاقات کی اورقانونی برادری کے سلگتے ہوئے مطالبات سے انہیں آگاہ کیا۔ صدر جموں و کشمیر ہائی کورٹ بار ایسوسی ایشن، جموں کی درخواست کو قبول کرتے ہوئے، ایم پی غلام علی کھٹانہ نے افسران کے ہمراہ کورٹ کمپلیکس، جانی پور، جموں کا دورہ کیا، جہاں وکلاء کی ایک بڑی تعداد نے ان کے ساتھ بات چیت کی اور ان کے دیرینہ التوا کے مطالبات کے جلد از جلد ازالے کی امید ظاہر کی۔ صدر کی طرف سے ایسوسی ایشن کی وسیع تر شکایات/مطالبات کو اجاگر کرتے ہوئے مطالبات کی ایک یادداشت پیش کی گئی۔ اہم اُبھارے گئے مسائل میں جے اینڈ کے ہائی کورٹ، جموں، کمپلیکس میں وکلاء کی کینٹین کی پہلی اور دوسری منزل کی تعمیر،ڈسٹرکٹ کورٹ کمپلیکس، جانی پور، جموں میں کثیر منزلہ پارکنگ،ڈسٹرکٹ کورٹس میں ایٹریئم کی چھت کی مرمت اور کھلی جگہ کو ڈھانپنے کے بعد گنبد کے علاقے میں اے سی کی تنصیب،بار کے ممبران کے لیے اضافی وکلاء کے چیمبرز کی تعمیر،کورٹ کمپلیکس میں وکلاء اور مدعیان کو پینے کے پانی کی فراہمی کے لیے واٹر پلانٹ کی تنصیب،پرنٹرز اور سافٹ ویئر کے ساتھ 10 کمپیوٹر،ہائی کورٹ اور ماتحت عدالت دونوں کے لیے ڈیجیٹل لائبریری،معزز ایم پی نے سائٹس اور متوقع پروجیکٹس کے اسپاٹ انسپیکشن کے لیے وکلاء کے گروپ کے ساتھ کورٹ کمپلیکس کا سفر کیا۔رکن پارلیمنٹ نے صدر جموں و کشمیر ہائی کورٹ بار ایسوسی ایشن، جموں کو مطالبات کی جلد از جلد ازالہ کرنے کی مکمل یقین دہانی کرائی۔ بعد ازاں معزز رکن پارلیمنٹ نے جموں و کشمیر ہائی کورٹ بار ایسوسی ایشن، جموں کی ٹیم کے ساتھ ڈسٹرکٹ کورٹ کمپلیکس، جانی پور، جموں میں لیڈیز بار روم کا بھی دورہ کیا اور خواتین کے عالمی دن کے موقع پر قابل خواتین وکلاء کو اپنی مبارکباد پیش کی۔ لیڈی وکلاء نے خوشی کا اظہار کیا اور ایم پی اور جے کے ایچ سی بی اے جے وکرم شرمااورانکی کی ٹیم کااس اقدام کے لیے شکریہ ادا کیا۔ جموں و کشمیر ہائی کورٹ بار ایسوسی ایشن کے عہدیداران، جموں امیت گپتا (نائب صدر)، پرویش سنگھ سلاریہ (جنرل سکریٹری)، چیتن مصری (جوائنٹ سکریٹری) اور اتکرش پٹھانیا (خزانچی) نے اس تقریب کے خوش اسلوبی سے انعقاد کی سہولت فراہم کی۔معزز رکن اسمبلی کے ساتھ آنے والے اور ان سے آگاہ کرنے والے وکلاء میں سرکردہ افراد میں اے وی گپتا (سینئر ایڈوکیٹ)، انور چودھری، سمن مالا، رادھا شرما، سیما شرما، سریش شرما، اشونی کھجوریا، جسویندر سنگھ جسی، موہندر پال سنگھ، راجیش تھاپا، بلدیو سنگھ، امیش شرما، نریندر شرما، پرویز چودھری، محمد اکرم، روہت شرما، گگندیپ سنگھ، یاسر خان، محمد اعظم، ذوالقرنین چودھری، بھاویشیا سوڈان، ارجن سنگھ منہاس، منجیت سنگھ سرکاریا، دکشیش شرما، اتل رائنا، انمول ابرول، سورپیا سنگھ چوہان، پریا بھان، دیپک شرما، جمیل چودھری سکھویندر سنگھ، ہرمیت سنگھ، ساحر بیگ، محمد علیم بیگ، بھانو پرتاپ سنگھ، جتن سنگھ گل اوردیگران شامل تھے۔
