حکومت سرحدی باشندوں کے مسائل کو کم کرنے کی زحمت کرے: رتن لال
لازوال ڈیسک
جموں؍؍ نیشنل کانفرنس کے سینئر رہنما، ایڈیشنل جنرل سکریٹری اور سابق وزیر اجے کمار سدھوترا نے لیفٹیننٹ گورنر کی قیادت والی انتظامیہ پر سرحدی باشندوں کے مسائل کو کم نہ کرنے کا الزام لگاتے ہوئے کہا ہے کہ موجودہ یونین ٹیریٹری انتظامیہ تمام محاذوں پر مکمل طور پر ناکام ثابت ہوئی ہے۔ ان خیالات کا اظہار انہوں نے آج جموں جنوبی آر ایس پورہ حلقہ میں میراں صاحب کے گاؤں کوٹلی میاں فریح میں پارٹی کارکنوں کے ایک اجلاس سے تبادلہ خیال کرتے ہوئے کیا۔اجے سدھوترا نے کہا کہ موجودہ یوٹی انتظامیہ سرحدی علاقوں میں رہنے والے لوگوں کو پوری طرح نظر انداز کر رہی ہے۔ انہوں نے کہا کہ وہ وعدے کے مطابق بارڈر بٹالین کو بڑھانے میں ناکام رہی ہے اور نتیجہ یہ ہے کہ ان علاقوں کے نوجوانوں میں بے روزگاری کی وجہ سے منشیات کا استعمال مسلسل بڑھ رہا ہے۔ سدھوترا نے کہا کہ سرحدی پٹی میں کسانوں کی حالت انتہائی قابل رحم ہے کیونکہ حکومت کے بار بار وعدوں کے باوجود بیج اور کھاد کی عدم دستیابی ہے۔اس موقع پررتن لال گپتا نے کہا کہ جہاں سرحدی باشندے یوٹی انتظامیہ کی بدانتظامی کا سب سے زیادہ شکار ہیں، وہیں پورے جموں و کشمیر کے لوگ بی جے پی کی پراکسی حکومت ہونے کی وجہ سے ایل جی انتظامیہ کی طرف سے ان پر دباؤ ڈالنے والے مصائب میں گھرے ہوئے ہیں۔ انہوں نے کہا کہ موجودہ حکومت نے سرحدی علاقوں میں رہنے والے نوجوانوں کو درپیش مسائل پر آنکھیں بند کر رکھی ہیں۔اس موقع پر پردیپ بالی صوبائی سیکرٹری جموں، بملا لوتھرا سابق ایم ایل اے، عبدالغنی تیلی چیئرمین او بی سی سیل، وجے لوچن چیئرمین ایس سی سیل، رگھویر سنگھ منہاس ضلع صدر جموں دیہی اے، راکیش سنگھ راکا نائب صدر سنٹرل زون، کلدیپ کمار شرما، پنکی خالصہ ضلع صدر جموں شہری خواتین ونگ، تھورو رام منڈی، وید پرکاش، جتیندر کمار، سوم راج تروچ، جتندر بٹو، جگا رام، موہندر سنگھ، مدن لال، جنک راج، سنگت سنگھ اور دیگر نے شرکت کی۔
