ڈاکٹروں کی ماہر ٹیم نے گورکھا نگر اور آس پاس کے لوگوں کی مفت طبی خدمات فراہم کیں
لازوال ڈیسک
جموں؍؍لیف فار ادرس – بینگ ہیلپ فل فاؤنڈیشن نے ٹلہ جیولرز کے ساتھ مل کرحال ہی میں گورکھ ناتھ مندر، گورکھا نگر میں ایک انتہائی کامیاب فری میڈیکل کیمپ کا انعقاد کیا۔ اس کیمپ کا مقصد کمیونٹی کو صحت کی ضروری خدمات فراہم کرنا تھا،وہیں گورکھا نگر اور آس پاس کے علاقوں میں مقامی لوگوں کی طرف سے زبردست ردعمل دیکھنے میں آیا۔
اس دوران طبی پیشہ ور افراد کی رہنمائی میں، کیمپ نے تقریباً 200 افراد کو طبی خدمات، مشاورت اور مفت ادویات کی تقسیم کی پیشکش کی۔وہیں میڈیکل ٹیم میں مختلف اسپیشلٹیز کے ڈاکٹرز شامل تھے جن میں ڈاکٹر سہیل گونی (فزیشن)؛ ڈاکٹر انو گندرال (ڈینسٹ) اور سونو نیگم (سیپلا لمیٹڈ) اور پرائم ہیلتھ کیئر میڈیکل ڈائیگنوسٹک سینٹر بطور ٹیسٹنگ پارٹنرشامل ہوئے، جس نے صحت کی دیکھ بھال کی رسائی کی کوششوں میں نمایاں کردار ادا کرتے ہوئے حاضرین کے لیے مفت طبی ٹیسٹ کیے ہیں۔
اس موقع پر محترمہ کشیش گپتا، سی ای او ٹلہ جیولرز نے کہاکہ ہم اس میڈیکل کیمپ کو حقیقت بنانے میں اپنے شراکت داروں کے تعاون کے لیے بے حد مشکور ہیں اور ہم ہمیشہ ان کی بہتری کے لیے خدمات انجام دینے کے لیے آگے ہیں۔وہیں مسٹر کنال رانا، ممبر ایل ایف او بی ایچ ایف نے کہا کہ فری میڈیکل کیمپ نے کمیونٹی کی خدمت کرنے اور افراد اور اس سے آگے کی فلاح و بہبود کو فروغ دینے کی اجتماعی کوشش اور عزم کی مثال دی۔ اس نے نہ صرف ضروری صحت کی دیکھ بھال کی خدمات فراہم کی ہیں بلکہ ضرورت کے وقت ہمدردی اور یکجہتی کے جذبے کو بھی اجاگر کیا ہے۔
