مرکز ی حکومت نے جموں و کشمیر کے لوگوں سے چاند کا وعدہ کیا تھا لیکن زمینی سطح پر ایک بڑا صفر دیا ہے:رتن لال
ڈوڈہ کے عصر میں عوام سے تبادلہ خیال کیا،کہاموجودہ حکومت کے دور کو بدعنوانی اور غلط حکمرانی کا دور کہا جائے گا
لازوال ڈیسک
ڈوڈہ؍؍انڈی اتحاد جموں و کشمیر میں آنے والے پارلیمانی انتخابات میں تمام لوک سبھا سیٹیں جیت کر کلین سویپ کرے گا کیونکہ موجودہ حکومت عام لوگوں کی امیدوں پر پورا اترنے میں بری طرح ناکام رہی ہے۔یہ بات اجے کمار سدھوترہ، ایڈیشنل جنرل سکریٹری اور سابق وزیر نے ضلع ڈوڈہ کے علاقے عصر میں پارٹی میٹنگ سے تبادلہ خیال کرتے ہوئے کہی۔وہیں میٹنگ میں رتن لال گپتا، صوبائی صدر جے کے این سی جموں، سجاد احمد کچلو، سینئر این سی لیڈر اور سابق قانون ساز اور پارٹی کے کئی سینئر لیڈران موجود تھے۔
اس موقع پررام بن حلقہ میں جے کے این سی ڈوڈہ اور بٹوٹ کے پارٹی عہدیداروں کی میٹنگ کا اہتمام ڈاکٹر چمن لال بھگت، زونل سکریٹری چناب ویلی اور سابق قانون ساز نے کیا تھا اور بٹوٹ کے اجلاس کا اہتمام عارف میر ضلع سکریٹری رامبن نے کیا تھا۔تاہم دونوں سینئر عہدیداروں نے پارٹی کے سینئر قائدین کو ضلع ڈوڈہ کے دیہی اور دور دراز علاقوں کے لوگوں کو درپیش مشکلات سے آگاہ کیا۔ انہوں نے اس بات پر زور دیا کہ لوگوں کی شکایات کو نظر انداز کیا گیا ہے اور انہیں مناسب بنیادی سہولیات سے محروم رکھا گیا ہے۔
پارٹی کارکنوں کے اجلاسوں سے اظہار خیال کرتے ہوئے، اجے سدھوترا نے جموں و کشمیر میں ایل جی انتظامیہ کے تحت حالات پر افسوس کا اظہار کرتے ہوئے کہا کہ اس دور کو اس کی بدعنوانی اور غلط حکمرانی کے لیے یاد رکھا جائے گا۔ انہوں نے زور دے کر کہا کہ عوام موجودہ حکومت کی مبینہ کرپشن، لوٹ مار اور غلط حکمرانی سے تنگ آچکے ہیں۔
وہیںصوبائی صدر رتن لال گپتا نے زور دے کر کہا کہ مرکز کی حکومت نے جموں و کشمیر کے لوگوں سے چاند کا وعدہ کیا تھا لیکن زمینی سطح پر ایک بڑا صفر دیا ہے۔ انہوں نے کہاکہ بھاجپا متکبرانہ اور من مانی طور پر عوام دشمن پالیسیوں پر عمل پیرا ہے جس کا نتیجہ یہ ہوا کہ وادی میں اس کا وہی حشر ہوا جو جموں خطہ کے لوگوں نے اس پارٹی کو مکمل طور پر ترک کر دیا ہے۔ انہوں نے مزید کہا کہ چیزوں کی سب سے بری بات یہ ہے کہ بی جے پی نے جموں خطے کے لوگوں کے اعتماد کو دھوکہ دیا اور اب وہ خود کو بھگوا پارٹی کے ہاتھوں دھوکہ محسوس کر رہے ہیں۔صوبائی صدر نے زور دے کر کہا کہ وادی چناب کے لوگوں کو انڈی الائنس اور نیشنل کانفرنس سے بہت امیدیں ہیں اور وعدہ کیا کہ پارٹی موجودہ نظام سے بہتر سہولیات فراہم کرے گی۔
اس موقع پرسجاد احمد کچلو نے مقامی انتظامیہ پر عدم تعاون کا الزام لگاتے ہوئے مایوسی کا اظہار کیا۔ انہوں نے زور دے کر کہا کہ نیشنل کانفرنس ہی واحد جماعت ہے جو عوام کی امنگوں کو پورا کرنے کی صلاحیت رکھتی ہے۔کیچلو نے عوام پر زور دیا کہ وہ جموں و کشمیر میں مثبت تبدیلی اور ترقی لانے کے لیے انڈی الائنس کے امیدواروں کی حمایت کریں۔بعد ازاں، این سی کے سینئر قائدین نے پارٹی کے نائب صدر عمر عبداللہ کے آئندہ دورے کا بھی جائزہ لیا اور پارٹی کیڈر کو ہدایت دی کہ وہ علاقے کے لوگوں کی زیادہ سے زیادہ شرکت کو یقینی بنائیں۔
