کہاایسا کرنے والی اپوزیشن کا عوامی مفاد اور ملکی ترقی سے کوئی تعلق نہیں
یواین آئی
نئی دہلی؍؍بھارتیہ جنتا پارٹی (بی جے پی) نے دہلی کے رام لیلا میدان میں منعقد کی گئی انڈیا گروپ کی جمہوریت بچاؤ ریلی کو "بدعنوانی اور خاندان بچاؤ ریلی” قرار دیا ہے اور کہا ہے کہ اس کام کا مقصد ‘مودی کو ہٹانا’ ہے۔ ایسا کرنے والی اپوزیشن کا عوامی مفاد اور ملکی ترقی سے کوئی تعلق نہیں۔بی جے پی کے قومی ترجمان اور ایم پی ڈاکٹر سدھانشو ترویدی نے پارٹی کے مرکزی دفتر میں منعقدہ ایک پریس کانفرنس میں کہاکہ ’’ملک کی سیاست میں پہلی بار ایسی ریاست میں ریلی نکالی جا رہی ہے جہاں وزیر اعلیٰ حراست میں رہتے ہوئے حکومت چلا رہے ہوں۔ اور اس کے ساتھ دینے والی جماعتیں بدعنوانی میں گہری ڈوبی ہوئی ہیں۔”
بی جے پی کے ترجمان نے کہا کہ جس رام لیلا گراؤنڈ میں 12 سال پہلے ‘انڈیا اگینسٹ کرپشن’ دکھائی دیتی تھی، آج اسی رام لیلا گراؤنڈ میں ‘ہر کوئی کرپشن کے ساتھ ‘ دکھائی دے رہا ہے۔ڈاکٹر ترویدی نے انڈیا گروپ کی سیو ڈیموکریسی ریلی کو "خاندان اور کرپشن بچاؤ ریلی” سے تعبیر کیا اور کہا کہ عام آدمی پارٹی (اے اے پی) جس نے کبھی بدعنوانی کے خلاف اپنی سیاست شروع کی تھی، آج خود بدعنوانی میں ڈوبی ہوئی ہے اور بدعنوانوں کے ساتھ اتحاد کر رہی ہے۔ وہ مودی کو ہٹانے کے مقصد پر کام کر رہے ہیں، ان کے لیے عوامی مفاد اور ملک کی ترقی سے کوئی لینا دینا نہیں ہے۔
اپوزیشن کی ریلی پر طنز کرتے ہوئے ترجمان ڈاکٹر ترویدی نے کہاکہ ”جو پارٹیوں کو چور اور بے ایمان کہہ کر بدعنوانی کے خلاف اقتدار میں آئے، آج ان کے ساتھی اور حلیف بن گئے ہیں۔ یہ اس لیے اہم ہے کیونکہ ملکی سیاست میں پہلی بار ایک ایسی ریاست میں ریلی نکالی جا رہی ہے جہاں وزیر اعلیٰ حراست میں رہتے ہوئے حکومت چلا رہے ہیں اور ان کی حمایت کرنے والی جماعتیں وہ ہیں جن کے پاس کرپشن کا ریکارڈ ہے۔
