زبانی حفظان صحت کے سامان کی مفت سیمپل تقسیم، مریضوں کو برش کرنے کی تکنیک کا مظاہرہ کیا گیا
رنگولی بنانے کا مقابلہ، پوسٹر مقابلہ، اسکریننگ اور تمباکو سے بچاو ¿ کی کونسلنگ سمیت دیگر تقریبات کابھی ہوا انعقاد
لازوال ڈیسک
جموں//پی جی ڈیپارٹمنٹ آف پیریڈونٹولوجی اینڈ امپلانٹولوجی، اندرا گاندھی گورنمنٹ ڈینٹل کالج، جموں نے انڈین سوسائٹی آف پیریڈونٹولوجی کے تعاون سے یکم اگست سے 7 اگست، 2024 تک زبانی حفظان صحت کا ہفتہ منایا۔وہیںزبانی حفظان صحت کے دن کے موقع پر ایک ہفتہ طویل پروگرام پیریڈونٹولوجی اینڈ امپلانٹولوجی کے پوسٹ گریجویٹ ڈیپارٹمنٹ میں منایا گیا جس کا افتتاح یکم اگست کو پرنسپل اور ڈین، آئی جی جی ڈی سی، جموں ڈاکٹر پروین اختر لون نے پروفیسر اور ایچ او ڈی ڈاکٹر مانک شرما، اور دیگر فیکلٹی ممبران بشمول ڈاکٹر ابھیما کمار، ڈاکٹر جیوتی گپتا، ڈاکٹر کوسین سحر، پوسٹ گریجویٹ، پیرا میڈیکل اسٹاف، ہاو ¿س سرجن، انٹرنز اور طلباءکی موجودگی میں کیا۔
اس ہفتہ طویل پروگرام کے دوران، زبانی حفظان صحت کے سامان کی مفت سیمپل تقسیم، مریضوں کو برش کرنے کی تکنیک کا مظاہرہ اور رنگولی بنانے کا مقابلہ، پوسٹر مقابلہ، زبانی اسکریننگ اور تمباکو سے بچاو ¿ کی کونسلنگ سمیت دیگر تقریبات کا انعقاد کیا گیا۔ وہیںعوام الناس کو منہ کی صفائی کی اہمیت سے آگاہ کرنے کے لیے نکڑ ناٹک کا پروگرام بھی پیش کیا گیا۔ اس موقع پردیگر تعلیمی تقریبات بشمول مہمان مقررین کے لیکچر اور ڈیپارٹمنٹ کے پوسٹ گریجویٹ اور انڈر گریجویٹ طلباءکے ساتھ ورکشاپ کا اہتمام کیا گیا۔اس ہفتہ طویل پروگرام کا اختتام 7 اگست کو چیف پیٹرن ڈاکٹر پروین اختر لون، سرپرست (ڈاکٹر مانک شرما)، شریک سرپرست (ڈاکٹر ونیت کوتوال)، آرگنائزنگ چیئر پرسن (ڈاکٹر شپرا)کی موجودگی میں ہوا۔
