یواین آئی
ممبئی؍؍بالی ووڈ کے مشہور اداکار امیتابھ بچن اور ‘دبنگ ” اسٹار سلمان خان کی جوڑی پھر سے سلور اسکرین پر ایک ساتھ نظر آسکتی ہے ۔ سلمان خان اور امیتابھ نے ‘بابل’، ‘باغبان’ اور ‘گاڈ تسی گریٹ ہو’ میں ساتھ کام کیا ہے ۔ یہ بات کہی جارہی ہے وہ دونوں اسٹار دس برسوں کے بعد پھر سے ایک ساتھ کام کرنے جارہے ہیں۔ ریمو ڈی سوزا کی ہدایت والی فلم ‘ریس۔3” میں سلمان خان مرکزی کردار میں نظر آئیں گے ۔ اس فلم میں امیتابھ بچن بھی کام کرتے نظر آئیں گے ۔ واضح رہے کہ امیتابھ کو ‘ریس۔3” کے لئے انتخاب کیا گیا ہے ۔ امید ہے کہ وہ اس فلم کے لئے راضی ہوجائیں گے ۔ اس فلم میں سلمان کے ہیروئین کے طور پر جیکلین فرنانڈیز کا انتخاب کیا گیا ہے ۔ یہ فلم اگلے سال عید کے موقع پر ریلیز ہوگی۔اکتوبر سے فلم کی شوٹنگ شروع ہوگی۔
