یواین آئی
واشنگٹن؍؍عالمی وبا کورونا وائرس کے حوالہ سے امریکی ماہرین نے خبردار کیا اس کی وجہ سے امریکہ کی 65فیصد آبادی متاثر ہوسکتی ہے جبکہ اس کی وجہ سے 17لاکھ افرد ہلاک بھی ہوسکتے ہیں۔چین سے نکلنے والا کورونا وائرس اس وقت دنیا کے 115سے ممالک تک پھیل چکا ہے ، اس سے بچنے کے لئے ان ممالک کی جانب سے مختلف اقدامات کئے جارہے ہیں۔اس کے ساتھ ساتھ ماہرین کی جانب سے مسلسل انتباہ جاری کیا جارہا ہے ، تاہم اب اس کیٹیگری میں امریکی ادارہ سینٹرز فار ڈیزیز کنٹرول اینڈ پریونشن (سی ڈی سی) نے بھی انتباہ جاری کیاہے ۔سی ڈی سی نے انتباہ جاری کیا ہے کہ کورونا وائرس کی وجہ سے امریکہ میں بھی حالات سنگین ترین حد تک پہنچ سکتے ہیں۔ادارہ کا کہنا ہے کہ صرف امریکہ کی 21 کروڑ 40 لاکھ یعنی آبادی کا 65 فیصد حصہ متاثر ہوسکتا ہے ۔سی ڈی سی کا مزید کہنا تھا کہ اس کی وجہ سے صرف امریکہ میں 17 لاکھ اموات کا خطرہ ہے ۔اس حوالہ سے ‘ نیو یارک ٹائمز’ نے ایک رپورٹ شائع کی ہے جس میں بتایا گیا کہ ایک ماہ قبل ہی سی ڈی سی کا بند کمرہ اجلاس ہوا، جس میں امریکی حکام برائے صحت اور دنیا کے معروف ماہر وبایات نے شرکت کی تھی۔اس اجلاس میں ایک امریکی ماہر وبایات نے امریکہ میں اس وبا کے پھیلنے کے چار مختلف منظرے نامہ بتائے ۔انہوں نے بتایا کہ بد ترین منظر نامہ میں 21 کروڑ 40 لاکھ لوگ تک متاثر ہوسکتے ہیں، تاہم اگر اس حوالہ سے فوراً اقدامات کئے جائیں تو یہ تعداد کم ہوکر صرف 30 لاکھ لوگوں تک محدود کی جاسکتی ہے ۔ان میں سے ایک ماہر وبایات نے بتایا کہ آپ ضرورت سے زیادہ اقدامات کرنے کے بعد بھی اس کے خلاف نہیں جیت سکتے ، یہ آپ کو گھبراہٹ کا شکار بنادیتی ہے ، آپ کو بہت زیادہ محتاط رہنے کی ضرورت ہے ۔ہر مختلف منظرنامہ میں ہر ایک متاثرہ شخص 2 سے 3 افراد کو متاثر کر سکتا ہے ، اسپتالوں میں یہ شرح 3 سے لے کر 12 افراد تک ہوسکتی ہے جبکہ ایک سے 25 فیصد افراد مارے بھی جاسکتے ہیں
