کٹھوعہ کے بنی میں انتظامیہ نے تمام تیاریاں مکمل کیں
حفیظ قریشی
بنی // لوک سبھا انتخابات کے پہلے مرحلے کی ووٹنگ آج ہونے جا رہی ہے۔ اس مرحلے میں 21 ریاستوں اور مرکز کے زیر انتظام علاقوں کی 102 لوک سبھا سیٹوں پر ووٹنگ ہونے جا رہی ہے۔ اس میں راجستھان کی 12، اتر پردیش کی 8، مدھیہ پردیش کی 6، بہار کی 4، مغربی بنگال کی 3، آسام اور مہاراشٹر کی 5، منی پور کی 2 اور تریپورہ، جموں کی ایک ایک نشست پر ووٹنگ ہونی ہے اور اس میں جموں کشمیر اور چھتیس گڑھ بھی شامل ہے۔
تاہم کٹھوعہ ضلع کے بنی علاقے میں انتخابات کو کامیاب بنانے میں انتظامیہ بھی لگ گئی ہے۔اس سلسلے میں تحصیلدار پردیومن اتری شرما نے مختلف پولنگ اسٹیشن کا دورہ کیا۔ای آر او،تحصیلدار بنی پردیومن اتری شرما نے بتایا کہ بنی میں پہلی بار خواتین کیلئے الگ سے ایک پولنگ اسٹیشن اور معذور افراد کے لیے الگ پولنگ بوتھ بنایا گیا ہے۔انہوں نے کہا کہ نوجوانوں کے لیے بھی لوانگ میںپولنگ اسٹیشن بنایا گیا ہے۔ اس موقع پر انہوں نے عوام سے اپیل کی کہ وہ گھروں سے باہر نکلیں اورووٹ دیں۔
