حیدرآباد16جنوری(یواین آئی)آندھراپردیش کے تروملا میں ریچھ کی موجودگی سے سنسنی پھیل گئی۔مندر کے احاطہ میں یہ جنگلی جانورنظرآیا جس کے ساتھ ہی مقامی عوام اپنی جان بچانے کیلئے دوڑپڑے۔جنگل متصل ہونے کے نتیجہ میں اکثر یہاں جنگلی جانور آتے ہیں۔ذرائع کے مطابق تروملا کے ایسٹ بالاجی نگر کے قریب یہ واقعہ پیش آیا۔بعض مقامی افراد نے اس ریچھ کو گھومتا ہوا دیکھاجس کے ساتھ ہی انہوں نے چیخ وپکارشروع کردی جبکہ بعض دیگر افراد نے اپنے سل فون کیمروں میں اس کی تصاویر اورویڈیوز کو قیدکرلیا جو دیکھتے ہی دیکھتے سوشیل میڈیا کے مختلف پلیٹ فارمس پر تیزی کے ساتھ وائرل ہوگئیں۔مقامی افراد نے محکمہ جنگلات کے عہدیداروں کو اس خصوص میں چوکس کیا۔