راگھو سنگھ کو ایس پی ایم آر کالج آف کامرس کے جے جے ایس ایف یونٹ کے صدر کے طور پر نامزد کیا گیا
لازوال ڈیسک
جموں؍؍ جموں جوائنٹ اسٹوڈنٹس فیڈریشن (جے جے ایس ایف) نے ایس پی ایم آر کالج آف کامرس جموں میں ایک متاثر کن جوائننگ پروگرام کا انعقاد کیا۔ واضح رہے یہ پروگرام کیشو ملہوترا (جموں ضلع صدر جے جے ایس ایف) کی قیادت میں منعقد کیا گیا جہاں ایڈوکیٹ پشویندر سنگھ منہاس ریاستی صدر جے جے ایس ایف پروگرام کے مہمان خصوصی تھے جن کے ساتھ اتل ریاستی نائب صدر جے جے ایس ایف، راگھو نندن، اوپیندر شرما، یوراج سنگھ، اور دیگر موجود تھے۔اس موقع پرجے جے ایس ایف نے جی جی ایم سائنس کالج جموں کے باہر کالج کے احاطے سے شہیدی اسٹال تک ایک بہت بڑی ریلی نکالی گئی۔وہیںخطبہ استقبالیہ پیش کرتے ہوئے جے جے ایس ایف کے جموں ضلعی صدر کیشو ملہوترا نے کہا کہ جے جے ایس ایف کی ایک تاریخ ہے کہ اس نے جموں صوبے کے ساتھ امتیازی سلوک کرنے پر آنے والی حکومتوں کے خلاف مختلف تحریکیں چلائی ہیں۔ انہوں نے کہا کہ جے جے ایس ایف ہمیشہ جموں خطہ کے ساتھ بالعموم اور طلباء برادری کے ساتھ ناانصافی کے خلاف کھڑی رہی ہے۔ انہوں نے کالج کے تمام طلباء کو یقین دلایا کہ جے جے ایس ایف طلباء برادری کی فلاح و بہبود کے لئے ان کے ساتھ کندھے سے کندھا ملا کر کام کرے گی۔ انہوں نے کہا کہ یہ ہمارا اولین فرض ہے کہ ہم 1966 کے ایجی ٹیشن کے شہید طلباء کو یاد رکھیں جنہوں نے طلباء برادریوں کے لیے اپنی جانیں نچھاور کیں۔وہیںطلباء سے بات کرتے ہوئے پشویندر سنگھ منہاس (ریاستی صدر جے جے ایس ایف) نے کہا کہ جے جے ایس ایف طلباء کے تمام متعلقہ مسائل کو اٹھائے گی اور ان سب کو حل کرنے کی پوری کوشش کرے گی۔ انہوں نے کہا کہ آج طلباء اور نوجوانوں سے متعلق بہت سے مسائل ہیں جنہیں اٹھانے اور حل کرنے کی ضرورت ہے۔ انہوں نے اس یقین کا اظہار کیا کہ کالج کی نئی اعلان کردہ یونٹ ایسے تمام مسائل کو اٹھائے گی اور جموں کے نوجوانوں اور طلباء کے حقوق اور انصاف کے لیے لڑے گی۔ دریں اثناء پشویندر سنگھ منہاس، ریاستی صدر جے جے ایس ایف نے کالج یونٹ کا اعلان کیا جس میں راگھو سنگھ کو صدر، وشال کمار کو ورکنگ صدر، ہمانشو سمیال کو سینئر نائب صدر، اشمیت سنگھ اور ادے کو نائب صدر، سمکش شرما اور تنیشا کو جنرل سیکرٹری نامزد کیا گیا ۔
