جموں اور کشمیرمیں جوار اور ایف پی او کے فروغ پر تبادلہ خیال کیا گیا
لازوال ڈیسک
جموں؍؍زرعی آمدنی میں اضافہ اور جوار کو فروغ دینے کی جانب ایک اہم پیش رفت میں، فوڈ پروسیسنگ انڈسٹریز کی وزارت (MoFPI) نے انڈین انسٹی ٹیوٹ آف مینجمنٹ (IIM) جموںاور ڈی آئی سی سی آئی کے تعاون سے آئی آئی ایم جموں کے مستقل کیمپس میں ایک اعلیٰ سطحی میٹنگ بلائیجس کی قیادت آئی آئی ایم جموں کے ڈائریکٹر پروفیسر بی ایس سہائے نے کی ۔وہیںمیٹنگ میںکلیدی اسٹیک ہولڈرز کو اکٹھا کیا۔واضح رہے اس اہم اجتماع کا بنیادی مقصد ایک علاقائی کانفرنس کی منصوبہ بندی کرنا تھا جو جموں اور کشمیر کے مرکز کے زیر انتظام علاقے میں جوار اور ایف پی او کے فروغ کے لیے وقف تھا۔تاہم 29 ستمبر 2023 کو ہوٹل ریڈیسن بلو، جموں میں طے شدہ کانفرنس سے توقع ہے کہ جوار کے دائرے میں تبادلے اور تعاون کے مواقع کو فروغ دیا جائے گا۔ اس میں اعلیٰ بیوروکریٹس، تعلیمی اداروں کے سربراہان، حکومتی رہنمائوں، محققین، کسانوں، صنعت کاروں، اور صنعتی انجمنوں کی شرکت کا مشاہدہ کیا جائے گا، تاکہ جوار کے فروغ اور FPOs کی ترقی کے لیے حکمت عملیوں، اختراعات اور بہترین طریقوں پر تبادلہ خیال کیا جا سکے۔
