طلباء نے جنگل کے تحفظ اور ماحولیات کو بچانے کے لیے پینٹنگ کے ذریعے اپنے خیالات کا اظہار کیا
لازوال ڈیسک
رام بن؍؍آزادی کا امرت مہوتسو کے تحتگورنمنٹ ڈگری کالج اکھڑال کی این ایس ایس یونٹ نے ’جنگل کو بچائیں اور ماحولیات کو بچائیں‘ کے موضوع پر پوسٹر سازی کے مقابلے کا انعقاد کیا۔وہیں پروگرام کا افتتاح کالج کے قابل پرنسپل پروفیسر (ڈاکٹر) رنوجے سنگھ نے کیا۔ اپنے پیغام میں انہوں نے طلباء پر زور دیا کہ وہ ہماری زندگی میں محفوظ ماحول کی اہمیت کے بارے میں عام لوگوں کو آگاہ کریں اور ماحولیاتی نظام کے تحفظ کے لیے جنگلات کی کٹائی کی روک تھام پر زور دیا۔تاہم پوسٹر سازی کے اس مقابلے میں طلباء کی بڑی تعداد نے حصہ لیا جہاں انہوں نے جنگل کے تحفظ اور ماحولیات کو بچانے کے لیے پینٹنگ اور خاکوں کے ذریعے اپنے خیالات کا خوبصورتی سے اظہار کیا۔ اس موقع پر ڈاکٹر اختر رسول (ایچ او ڈی انوائرنمنٹل اسٹڈیز) نے پورے مقابلے کا فیصلہ کیا۔
