این ایس یو آئی نے مشتہر پوسٹوں کو واپس لینے کی سخت مذمت کی
لازوال ڈیسک
جموں؍؍ریاستی نائب صدر این ایس یو آئی وکاس بدھوریا نے آج جموں و کشمیر پبلک سروس کمیشن (جے کے پی ایس سی) اور جموں و کشمیر سروسز بورڈ (جے کے ایس ایس بی) سے مشتہر کردہ پوسٹوں کو واپس لینے کی سخت مذمت کی۔اپنے بیان میں، بدھوریا نے کہا کہ حکومت نے بڑھتی ہوئی بے روزگاری سے کیسے نمٹنا ہے اس بارے میں کوئی وضاحت نہیں۔انہوں نے کہا کہ ایک طرف، وہ بھرتی کے لیے خالی آسامیوں کا اشتہار دیتے ہیں اور پھر بے روزگار نوجوانوں کی ذہنی تناؤ اور نفسیاتی کیفیت کو مدنظر رکھے بغیر اچانک انہیں واپس لے لیتے ہیں۔انہوں نے کہا کہ حکومت تمام محاذوں پر ناکام ہو چکی ہے اور بے روزگاری سے نمٹنے میں ناقص انتظام ہے۔ انہوں نے کہا کہ نوجوانوں کی حامی پالیسی اپنانے کے بجائے جموں و کشمیر حکومت نے ایک حکم کے ذریعے پوسٹیںواپس لے لی ہیں۔
