کسی قسم کی ناانصافی یا تشدد پر خواتین ون سٹاپ سینٹر راجوری سے رابطہ قائم کرےں :نیتو شرما
عمرارشدملک
راجوری: ضلع ترقیاتی کمشنر راجوری کی ہدایت پر ون سٹاپ سینٹر راجوری کی ایک ٹیم نے نیتو شرما کی قیادت میں ہائی اسکول گردھن بھالہ میں جانکاری کیمپ منعقد کیا جس میں علاقہ کی خواتین نے بھی حصہ لیا ۔ تفصیلات کے مطابق ون سٹاپ سینٹر خواتین کے حقوق اور تعلیمی معیار کے لئے کام کررہی ہے تاکہ سماج میں خواتین کو بھی برابر کے حقوق حاصل ہوسکےں ۔ون سٹاپ سینٹر راجوری کی ایڈ منسٹریٹر نیتو شرما نے خواتین کے حقوق کے متعلق جانکاری دی اور کہا کہ سماج میں جرائم نے اپنی پکڑ بنائی ہے اور آج کے دور میں خواتین کے حقوق کو دبانے کے لئے بھی کام کیا جاتا ہے لیکن ون سٹاپ سینٹر بھی خواتین کے حقوق کو تحفظ دینے کے لئے سرگرم ہے ۔وہیںطلباءاور دیگر خواتین سے اظہار خیال کرتے ہوئے نیتو شرما نے کہا کہ خواتین کو جسمانی،جنسی ،جذباتی ،نفسیاتی اور معاشی بدعنوانی کا سامنا کرنا پڑرہا ہے لیکن خواتین کے حقوق کی حفاظت کوئی نہیں کرتا اس لئے مرکزی حکومت نے ون سٹاپ سینٹر بنائے تاکہ خواتین کی شنوائی ہوسکے اور ان کے حقوق کو تحفظ بھی حاصل ہو۔ انہوں نے کہا کہ کسی بھی خواتین یا گرلز کے ساتھ کسی بھی قسم کی ناانصافی یا تشدد ہو تو وہ فوری ون سٹاپ سینٹر راجوری میں رابطہ قائم کرے یا پھر اپنی شکایات 181پر بھی درج کرسکتے ہیں ۔انہوں نے بتایا کہ ون سٹاپ سینٹر راجوری خواتین کے لئے ہر طرح کی مدد کرتاہے ۔
