پانچ کھیلوں میں کھلاڑیوں نے آزمائے اپنے ہنر
سید انیس الحق مفلس
پونچھنہرو یووا کیندر پونچھ اکائی کے بینر تلے ضلع کے ماڈل گاﺅں کھنیتر میں بلاک سطح پر جاری دو روزہ کھیل مقابلے اختتام پذیر ہوئے۔واضح رہے ان مقابلہ جات میں کبڈی، والی بال اور رسا کھنچائی کی ٹیموں نے کئی علاقہ جات سے شرکت کی اور گزشتہ روز یہاں ان کھیل مقابلہ جات کے فائنل میچ کھیلے گئے جن میں معززین ،نہرو یوا کیندر پونچھ اکائی کے اسٹاف اور ایک بڑی تعداد میں شائقین نے شرکت کی ۔اس ٹورنامنٹ میں کبڈی اور والی بال کی آٹھ آٹھ ٹیموں نے شرکت کی اور بال آخر رسہ کھنچائی میں گاﺅں کھنیتر کی بھٹی کلب کھنیترنے مقابلہ اپنے نام کیا جبکہ کبڈی میںبھٹی کلب کھنیترنے فائنل مقابلہ اپنے نام کیا،دوڑ میں اول مقام گاﺅں چنڈک کے انضمام نے حاصل کیا ، گولہ پھینکنے میں محمد طارق چوہان نے اول مقام حاصل کیا اور والی بال میں کھنیتر کلب( اے )نے فتح یابی اپنے نام کی ۔اس دوران ہیڈ ماسٹر ہائی اسکول کھنیترجاوید اقبال، سرپنچ ،ریٹائرڈ بلاک ڈیولپمنٹ آفیسر محمد صدیق چوہان، ماسٹر محمد عارف، ماسٹر مبشر حسین شاہ، نظارت بھٹی، ودیگران کے علاوہ این وائی کے اسٹاف میں سرفراز احمد ،شمیم اختر، غازیہ نشاط، اعجاز احمد اور ممتاز احمد نے شرکت کی ۔
